(Dili) Mudansa – Iha komemorasaun loron invazaun Militar Japones Okupa iha Timor-Leste ba dala 81 família husu Governu atu la bele taka Matan ba feto sira ne’ebé hatudu forsa hodi hasoru militár japaun ita tempu Japaun okupa Timor.
Atividade ne’e komemora husi Asosiasaun HAK Hamutuk ho estudante Timor Leste tanba konsidera invazaun Militar Japanes iha Timor Leste ba Dala 81 hahú tinan 1942 to’o 1945 rekoñesimentu Vitima II Gera Mundial.
Tanba ne’e Asosiasaun HAK no Kolegasaun Japaun haklaken lia loos no Justisa Kona Violasaun direitus Humanus inkluzivamente Violasaun hasoru feto Timor Leste ho naran Jungun-Lanfu durante Okupasaun Japanes iha Rai doben Timor-Leste.
Diretór Asosiasaun HAK Sisto dos Santos konta, iha madrugada tuku haat 4:00 dadeer-saan nakukun iha 1942 tropa Japanese sira hamutuk ema na’in 14 liu ne’ebé mak tama husi Tibar mai iha Dili tanba altura ne’ebá forsa Autralianu mós hamutuk rihun Rua (2000) ne’ebé Mak destaka ona iha territóriu Timor laran tomak.
Maibé iha parte Leste nian tropas olandeza mak destaka iha fatin ida ne’ebá, nune’e entre forsa Australia no Forsa Olandeza sira ne’e mak provoka Militar Japanese tama iha Timor-Leste atu sira ho sira mak ataka malu
“Ikus mai povu Timor-Leste liuliu ita-nia avoo, inan no feton sira mak forsadamente sai Vitima, no vítima ida ne’ebé Mak Militar Japaun halo ba ita-nia avoo feto sira, tanba ne’e governu tenke tau matan mós ba vítima sira iha momentu Japonés nia tempu,” dehan Diretor HAK ba Jornalista iha Largo Lesidere 20/02/2023.
Nia haktuir, buat sira ne’e akontese bainhira Forsa Japaun tama iha Timor Leste no hetan atakasaun husi forsas Australia maibé tanba sira nia forsa la ikuvalente ou la balansu entaun Forsa Australia sa’e ba Liquisa, Ermera no Aileu hodi sira duni malu iha ne’ebá.
Hahú iha tinan 43 nian laran entre Fulan jullu no Setembru Forsa Falianos ne’ebé mak labele ona atu reziste sira muda Husi Same, Ainaru, Aileu, Liquisa, Sira halai ba Viqueque, Baucau, no Lospalos antes 1944 Forsa Australia Sira tenke iha reziste hasoru Japanese.
“Iha momentu ne’e kedas sofrimentu komesa mosu ona, Sira kaptura Timor oan liuliu ita-nia inan feton sira ne’ebé mak ho idade minoridade tebes ho tinan 12, 11 no 14 anos sira sulan iha fatin ida naran Yang Jho hanesan fatin divertimentu, fatin bandidu, no penhibur ba Militar Japaun sira”,Nia afirma
Enkuantu forsa Japanese obriga Timoroan sira kee no halo estrada iha parte Leste nian husi Molop ba Zumalai, husi Salele ba Fohorem ne’e sira kee ho Liman de’it.
“Nu’udar testemuña ida ba ita atu labele haluha istória moruk sira ne’e, ita liuliu ita-nia inan feton sira ne’ebé sai Forsadamente no sai atan Sexsual sira hanaran Jugu Yangfhu exkan bidan Sexsual ne’e konsidera nu’udar krime kontra Humanidade tanba ne’e hanesan sidadaun Timoroan ne’ebé mak vítima iha krime Kruel ida ne’e, Ita labele haluha, ita-nia avoo sira, hahú husi Fohorem Suai to’o iha Lautem, iha Fatin sira ne’e hanesan testemuña boot ida ba ita”,katak nia
Nia Relata Timor-Leste nia vítima iha ema na’in 20 ne’ebé mak konsege ho aten brani hatutan Hela sira nia Lia loos Ida ne’e, depois de 60 anos liu tiha.
“Ami fó hanoin ba Governu Japanese katak ami sei lori hela fitar husi kanek ne’ebé ami hetan husi Masakre tortura, dadur, Violasaun no estragu ne’ebé ami nia nasaun kruel husi asasinasaun kriminozu nian”,nia akresenta
Iha fatin hanesan família husi vítima Aliansa Soares De Deus argumenta, Governu Timor Leste tenke tau matan no importánsia ba família Sira ne’ebé uluk sai vítima iha tempu Okupasaun Japanes nian.
Nia hato’o ba agradese ba Asosiasaun HAK ne’ebé mak durante ne’e sempre la’o hamutuk ho vítima no família sira
“Iha loron ida ohin ami vítima nia prezensa iha ne’e ezije ba Governu Timor Leste atu bele tau matan ba ami nia avoo nia família sira no ami hakarak husu mós ba Governu Japaun Sira atu bele rekoñese sira nia aktus ne’ebé uluk militár sira mai halo ba ami nia avoo sira iha tempu okupasaun ka II Guera mundiál Japanese iha Timor Leste,” Aliansa Rekomenda.
Nia sujere, lideransa liuliu feto sira iha Timor-Leste atu sente saida mak uluk Okupasaun Japanes Sira halo hela ba Timoroan sira liu ba Avo feto sira.
“Ha’u hakarak husu ba lideransa Sira liuliu ba feto sira ne’ebé mak sai lidera iha Rai ida ne’e, maizumenus buat ne’ebé Mak Militar Japaun sira mai halo hela ba ita-nia feto maluk sira iha Timor hanesan ne’e karik imi hatene istória ida ne’e, Oinsa ho imi-nia sentimentu ba imi-nia avoo sira”,Nia sujere
Entretantu Timor oan sira ne’ebé ho aten brani hasoru Militar Japanese sira ho família vítima iha Timor Leste ne’e mak hanesan Ines, Laurinda Raku Hale husi Fohorem, Geralda husi Salele Suai, Beidou husi Ilomar Lautem, Frasisca husi Suai Vila, mutin no Palmira husi Same, Esmeralda husi Bobonaro no vítima sira seluk ne’ebé la temi ida-ida no Timor oan sira ne’ebé ho aten brani tebes hodi hasoru Militar Japanes sira.
Estajiadu : Zemidonio Martins
Editór : Orlando Magno
