(DILI) Mudansa – Asosiasaun Tane Konsumidor (TANE) husu Estadu no governu liuliu parte relevante hanesan Autoridade Nasional Petroleu no Minerais atu halo inspesaun ba folin kombustivel ne’ebé dadaun ne’e presu sa’e tun
Tuir Prezidente tane konsumidór Antonio Ramos Da Silva, informa iha loron hirak liu ba Asosiasaun Tane Konsumidor halo peskiza kona ba folin kombustivel iha merkadu Bazeia ba Dekretu Lei númeru 29/2011 ko’alia kona ba presu justu iha aneksu rua ne’e folin ba ai han, presu limite maibé ba hasa’e presu husi distribuidór ho sira ne’ebé fa’an tutan
Tanba ne’e sujestaun tane nian ba parte Relevante entidade Estadu tenke halo alterasaun ou harmonizasaun dekretu lei ida ne’e atu nune’e fó knaar ba autoridade regulador sira bele iha servisu ida kona ba kontrola folin mina ne’e rasik
Tan Adopta rejime legál ne’ebé fó kompeténsia ba iha autoridade Nasional Petroleu Minerais(ANPM) liga ho servisu ida kona ba inspesaun no fiskalizasaun ba iha atividade sira liuliu gazolina hodi sira fó kompeténsia oinsá sira bele fiksa presu tanba ne’e mak fó responde ba iha títulu konferénsia katak folin mina merkadu sa’e.
“Ita husu estadu mós tenke intervén ba iha merkadu kona ba mina ne’e ninia folin aas ka mínimu ba iha distribuidór sira liuliu iha merkadu tanba sira mak tau folin tuir sira nia interese ekonómiku tan ne’e estadu tenke halo intervensaun labele merkadu mak atu regulariza fali “,Dehan Prezidente ATK Antonio Ramos Da Silva Ba Jornalista Iha nia knaar fatin Vila Verde kuarta 15/02/2023.
Prezidente TANE mós fó sujestaun ba Timor Gap no Empreza públiku tanba prezensa estadu ne’e importante liu husi Timor Gap sai mós distribuidór mina ba Konsumidor sira
Aleinde distribuidór Timor Gap iha mós bomba gazolina hanesan iha Suai maizumenus iha Munisípiu ne’e tenke ida-ida atu nune’e merkadu bele komparativu i labele distribuidór privadu sira ka merkadu mak regulariza fali presu maibé reprezenta estadu mós tenke iha
Enkuantu tuir dadus ne’ebé tane aprezenta iha loron 7 fulan fevereiru tane foti folin mina bomba gazolina kombustivel 20 iha Dili laran ho nia distribuidór 3 maka Eto, Pertamina Internasional no Global distribuidór 3 ne’e simu mina husi singapura
Kada folin gazoel ne’e másimu $.1,56 no mínimu $.1.35 hanesan Mãe da Graça mínimu $.1,25 Eto Fuel gazolina $.1.35, Aitula fuel $.1.35 kona ba brent iha referénsia baze 85,92 ba Timor-Leste baze pasífiku iha WTI nia $79,3 halo komparasaun ho London kada barríl ne’e iha 158,98
“Iha WTI nia 79,3 barríl ida hanesan kada litru mina matak nia folin ne’e sentavus 4,98 kompara ba folin ne’ebé ita konsumu iha Timor másimu gazoel ne’e mak $.1.56 mínimu $.1.35 no Gazolina másimu $.1.35 mínimu $.1.25 dadus ne’ebé iha loron 7 fevereiru tane foti .”,Hakotu nia
Jornalista : Esperança Monteiro Soares
Editór : Orlando Magno
