(Dili) Mudansa – Ministru Transporte no Komunikasaun(MTK) José Agustinho da Silva hato’o progresu servisu MTK nian durante ne’e ba Primeiru Ministru Taur Matan Ruak liuliu ba progresu projetu instalasaun submarinu Fibra ótiku (Fiber Optic) ne’ebé dadaun ne’e atinji ona porsentu 30.
“Ha’u relata ba PM kona-ba ita-nia envolvimentu Estadu Timor-Leste nian iha setór telkomunkasoens liuliu iha kontestu ida ne’e ita-nia investimentu obra fibra ótiku kona ba progresu ba ita-nia projetu oras ne’e dadaun atinji ona 30%,” Dehan Ministru Tranporte No Komunikasaun Jose Agustinho iha Palasiu Governu, Kinta 19/01/2023.
Agustinho haktuir, Foin daudauk liu ba iha ró ahi ida ne’ebé halo survei iha tasi Timor no mós Tasi Australia Objetivu husi Marine survei, atu identifika rute tasi laran karik kabu ne’e dada mai Timor liu husi ne’ebé?
“Marine survei ne’e, hodi hare kondisoens tasi laran,Tasi okos, ninia naruk hira entaun atividade ne’e ekipa hala’o durante loron 50,” nia esplika.
Nia afirma, Ró ahi ne’e nia ekipa hetan akompañamentu husi ekipa tékniku MTK liu husi Diresaun Nasional Infraestrutura Komunikasaoens sira konklui atividade mariña survei iha semana rua liu ba kotuk.
“Husi Marine survei ne’e depois konklui sira nia atividade sira sei hato’o relatóriu no depois de ida ne’e identifika tipu de kabu ho kualidade oinsa bele la’o liu rute ida ne’e depois mak sira foin ba halo produsaun ba kabu ne’e”,MTK esplika.
Enkuantu ne’e la’os preparadu ba foti de’it maibé sei halo Marine survei depois identifika tipu kabu hotu mak foin ba halo produsaun.
entretantu projetu instalasaun submarinu fibra ótiku (Fiber Optic) Governu Timor-Leste ho Empreza Alcatel Submarine Network(ASN) Asina kontratu iha loron 31 fulan maiu 2022 iha Palasiu Governu no projetu ne’e rasik nia durasaun durante fulan 19,ne’ebé hahú husi 01 jullu 2022 no finaliza iha 31 Janeiru 2024.
Jornalista : Esperança Morteiro Soares
Editór : Orlando Magno
