(Dili) Mudansa – Aleixo Freitas Mendonça ho tinan (16) husi Munisipiu Ainaro postu administrativu Maubisse suku Rimori, hakarak aproveita tempu hodi halo negósiu iha sidade Dili tanba dadaun ne’e sira nia eskola feriadu hela.
Aleixo Freitas Mendonca informa, nia fa’an sasán Dili tanba agora sira nia eskola sei feriadu hela bainhira tama fali eskola obrigatóriu ALeixo tenke fila ba Maubisse hodi kontinua nia estudu tanba labarik sira mak futuru ba nasaun.
“Banhira ami nia eskola feriadu ha’u mai Dili buka osan, atu sosa kadernu, lapizeira no farda eskola inklui prepara osan rejistu ba tinan oin nian, nune’e ha’u-nia futuru la’o ba oin entaun ita labele estraga tempu ba buat ne’ebé la folin mai ita,”dehan Aleixo ba Jornalista mediaMudansa iha Taibesi tersa,22/11/2022.
Otas nurak ne’e relata, Nia fa’an sasán ne’e liu ona semana rua tasu ne’ebé nia fa’an ne’e nia sosa de’it iha loja entaun tuku 07:00 dadeer hi’it ain husi uma hakat ba merkadu hodi fa’an sasán ne’ebé nia iha maibé tuku 12:00 Aleixo fila ba Uma deskansa uitoan oras lokraik kontinua fa’an fali.
“Dala ruma ha’u Lao Loron tomak mós ema la Sosa ida ne’e ha’u sente triste uitoan maibé la hamate ha’u-nia vontade,” nia deklara.
Daudaun ne’e Aleixo Freitas eskola iha Pre- Primária EB Rimori klase 6, no Aleixo iha Maun Alin hamutuk na’in ualu (8) kompostu husi feto haat no Mane na’in haat.
Jornalista : Domingas Viana
Editór : Orlando Magno
