(Dili) Mudansa – Foinsa’e Timor oan ida iha rasik prinsípiu hodi hakribi hahalok krime tanba hakarak moris mesak (Mandiri) atu buka moris hakmaan família uma laran la’ós dependénsia ba inan-aman.
Negosiante plástiku Manuel de Carvalho informa, Sira ne’ebé namkari iha territóriu Timor laran Tenki koko esforsu an Mesak, la bele hein de’it servisu husi família no Governu.
“Maluk foin-sa’e sira ita sei nia isin forte hela Tenki iha prinsípiu atu moris mesak (mandiri), no hakribi hahalok krime nune’e ita labele garantia beibeik ba Ema seluk,” dehan negosiante Manuel Carbalho ba MediaMudansa iha Largo Lecidere Dili, tersa, 22/11/2022.
Manuel informa, nia deside fa’an plástiku, tanba la iha ema Ida atu suporta nia atu kontinua estudu no mós kursus ne’e rasik, ho hirak ne’e hotu Manuel esforsu an oinsá atu fó ksolok ba família uma laran liuliu inan ho aman maibé dadaun ne’e nia tuir hela formasaun kona-ba lian Korea nian.
“Hau fa’an plástiku hahú husi tinan 2020 até Agora, maibé husi ha’u-nia negósiu ne’e kada loron ha’u bele hetan $.20 ou $.30. osan ne’ebé ha’u hetan husi negósiu ne’e balun ha’u fó inan aman no balun ha’u uza tanba iha ne’e ha’u hela Koss la’ós ho família,” nia deklara.
Manuel Carbalho orijen husi suku Builale Postu administrativu Ossu munisípiu Vikeke nune’e mós Manuel iha maun alin hamutuk na’in neen(6), Manuel maka oan ba da ikus iha sira nia família uma laran.
Estajiadu MD : Zemidonio Martins
Editór : Orlando Magno
