(Dili) Mudansa – Prezidenti Kamara Komersiu Industria Timor Leste (CCI-TL) Jorge Manuel Araujo Serano informa, atu sai emprezariu nee la fasil la’os mos difisil maibe ema hotu bele sai emprezáriu bainhira esforsu maka’as.
“Vida emprezáriu labele hanoin di’ak de’it tanba sai emprezária Laos Vida ne’ebé fasil maibé la’ós mós difisil Liu, ba bainhira Ita hakarak mundu merkadu nafatin nakloke ba ita hotu espesiál ba feto iha Vida emprezária,”dehan Prezidente CCI TL Jorge Serano ba jornalista iha Akait Dili, kuarta 23/11/2022.
Jorge afirma, Enkaregado negosia Timor Leste tenke mantein halo servisu ne’ebé durante Lao tiha ona atu bele Lao di’ak Liu tan iha formasaun no mós iha área Sira seluk.
Nia sujere, husu ba enkaregadu negósiu Timor Leste labele ta’uk iha vida emprezáriu no vida negósiu Tamba iha Vida negósiu ne’e di’ak maibé presiza vizaun ne’ebé di’ak.
“ Kona-ba Rekursu umanu ha’u sente iha Timor problema boot Tamba Ida ne’e aponta ne’ebé mak Estadus Unidus Amérika halo Liu husi Ita boot Sira Nia responsabilidade ha’u fiar katak sei fó benefísiu boot ba rai Ida ne’e,” Jorge haktuir.
Iha fatin hanesan, Enkaregadus Embaisador estadus Unidus Amérika (EUA) Tom Daley sente orgullu bainhira halo lansamentu ba akademia grupu feto Sira Nia emprendedór no Sira Nia atividade iha negósiu.
“Hau rasik Senti orgullu harii lansamentu akademia ba grupu feto emprendedór Sira Nia atividade negósiu iha CCI TL, tanba sira ne’ebé harii negósiu atu dezenvolve Sira Nia ideias no apoiu malu iha Fatin ne’ebé seguru ba kresimentu pesoál,” Tom Daley esplika.
Nia hatutan, Tipu ambiente ne’ebé esensiál atu hetan oportunidade no prosperidade ekonómiku ho efikáz iha Timor Leste atu ajuda harii ekonomia Ida ne’ebé permite Ema hotu hetan susesu iha nia moris Liu Liu feto Sira.
“Aproveita potensiál emprendedorizmu no inovasaun hodi fornese Ema atu moris hodi apoiu sira nia família tanba Ita Nia destinu iha ita Nia Liman rasik ne’ebé aproveita didi’ak oportunidade hirak ne’ebé ne’e ,” Tom Daley Hakotu
Jornalista : Domingas Viana
Editór : Orlando MAgno
