(Dili) Mudansa – Negosiante Jacob Barbosa sente kontente tanba bele responde rasik ninia nesesidade uma laran liu husi fa’an sigarru ho pulsa iha dala ninin Kapital Timor-Leste.
Fasil tebes ba Jacob atu hadeer sedu iha oras madrugada tuku 04:00 halo servisu iha uma laran hodi prepara matabixu ba família sira nune’e nia bele halo atividade ne’ebé baibain nia hala’o.
Nia konta, Dader tuku 6:00/7:00 hahú sai husi uma ba fa’an sigarru no pulsa iha dalan tanba tuku 10:00 Jacob tuir fali formasaun (kursu) Lian Korea iha Bekora Dili.
“Liu Husi negósiu Kiik Ida ne’e Hau sente benefísiu iha, tanba bele fasilita ona Hau Nia presiza hanesan, selu rasik kursus, bemo no Mos bele fasilita ona sasán Sira iha Uma laran, no alin Sira Nia presiza iha foho,” dehan negosiante Jacob ba MediaMudansa iha areadores Palasiu Governu, kinta, 24/11/2022.
Jacob haktuir, halo negósiu Kiik bele suporta Nia estudu Korsus Korea iha Bekora no bele hakmaan família Sira nia todan.
Barbosa relata, nia sente kontente bainhira hala’o negósiu ida ne’e maski negósiu ki’ik maibé bele responde ninia nesesidade ne’ebé Jacob Presiza tanba nia lakohi garantia beibeik ba família sira.
“Ita presiza hanoin didi’ak hodi Kria rasik servisu hodi Hetan buat ida maski ki’ik maibé ida ne’e mak ita-nia esforsu tan ne’e la bele mehi uluk buat boot ne’ebé ema iha ina maibé halo netik buat ki’ik ida tanba susesu sei mai bainhira ita esforsu iha prosesu tomak,” Nia afirma.
Jacob Barbosa orijen husi Aldeia Rai-leten suku Kaimau postu Turiskai Munisipiu Manufahi no mós Jacob iha maun alin hamutuk na’in 7, kompostu husi mane na’in 6 no Feto Ida, Jacob oan ba dahaat.
Estajiadu MD : Zimidonio Martins
Editór : Orlando Magno
