(Dili) Mudansa — Prezidente Asosiasaun Tane Konsumidor (ATK), Antonio Ramos da Silva “Naikoli” informa, Cesta Bázika(CB) ne’e hanesan subsídiu tan ne’e folin lalika karun liu produtu lokál sira iha loja ida ne’e bele hamate konsumidór sira iha rai laran.
Antonio relata, Cesta Bázika segundu faze Asosiasaun Tane konsumidór nota Produtu Lokál sesta bázika nia folin aas liu fali sira ne’ebé maka fa’an iha loja tuir dadus komparasaun ho produtu ne’ebé iha lista Cesta BazikaTamba realidade ATK peskiza iha loja baratu liu fali Cesta Bázika.
“Ita nota katak iha tendénsia balu folin boot liu entre Sesta Bázika ho folin sasán iha loja sira, kuaze produtu ida rua maka mínimu atu hanesan,”dehan prezidente ATK Antonio Ba jornalista sira iha sede Tane Konsumidor Vila Verde Kinta Feira 24/11/2022.
Prezidente hateten, Loja agrikultura iha Dili, kuaze rua de’it, maibé loja balu mós fa’an produtu lokál Tuir loloos ne’e Produtu Cesta Bázika nia folin la bele boot liu tanba ne’e povu nian subsídiu.
“Associasaun Tane Konsumidor nu’udar klibur ne’ebé defende ba konsumidór sira ninia direitu liu husi intervensaun iha pilár 3 mak hanesan Hato’o informasaun ba konsumidór, edukasaun no formasaun, ikus reprezenta konsumidór sira,”katak Prezidenti.
Nia afirma, Enkuadramentu Legal K-RDTL artigu 53 kona-ba Direitu ba konsumidór sira nian, Lei protesaun konsumidór(a) sira Nu. 8/2016, 08 de Julho. Kompromisu Governu liu husi programa rekuperasaun ekonómika ninia prioridade ida ba biban badak mak adota medida Cesta Basika.
“Kompara ho Cesta Basika faze dahuluk fahe de’it voucher depois benefisiáriu mak iha liberdade ba hili. Enkuantu sesta bázika faze daruak fahe ho paket ne’ebé korresponde ba osan ho montante $.50 maibé konsumidór sira lakon tiha sira nia direitu ba liberdade atu hili sasán,”nia Hakotu
Entretantu Tuir dadus ne’ebé maka jornalista Media Mudansa asesu iha ATK nia peskiza mak hanesan Fos rai Mean 5kg montante $.11.00 kompara ho sesta bázika $.13.50. Foos rai mutin kg 5 montante $.9.00 kompara ho sesta bázika $.12.50. Talas ½kg 0.60 sentavu Kompara ho Cesta bázika 1.50 USD. Fehuk midar 1kg $.1.00 kompara ho Cesta bázika $.1.25. USD. Ikan fresku 1kg 7.50 kompara ho Cesta bázika 7.50 USD , Mostarda 1set 0.50 sentavu kompara ho Cesta basia $.1.15. Repollu 1pcs 0.75 sentavu kompara ho sesta bázika 1.00 USD.
Jornalista :Domingas Viana
Editór :Orlando Magno
