(Dili),Mudansa—Negosiante ailebá sira lamenta deputadu bánkada FRETILIN Fabião de Oliveira ne’ebé dehan Negosiante sira halo foer Palasiu Prezidente Ai-tarak laran ho sira nia aktividade faan ai-fuan.
Portavóz negosiante ailebá, Lito da Costa hato’o asuntu ne’e iha komunikadu imprensa iha jardin 5 de Maiu dili, sesta (01/07/2022)
Poeat vóz Lito da costa agradese bá media ne’ebé konsidera Aileba hanesan ema Timoroan hodi mai kobertura bá ezizensia ne’ebé iha, maske deputadu FRETILIN balun konsidera sira foer iha rai doben Timor- Leste.
“Hakarak hatoo ami nia lamentasaun bá bánkada deputaddu sira liu-liu bá deputadu Fretelin nia estetmentu, katak ami bá iha palasiu prezidente ne’e ami bá halo foer no hatun dignidade hatun dignidade nasaun nian” hateten portavóz
Portavóz ne’e hateten, deputadu ne’e Timoroan ga lae, fuan iha ga lae, hanoin tanbá saida mak ailebá ne’e iha tanbá saida mak eziste nafain husi beiala to mai zerasaun, kontinua nafatin ailebá,
“Parte guvernu ami konsidera sira kibi’it ne’e sei naton hela seda’uk kobre to’o ami, mak ami mós lebá ida ne’e atu tulun mós estadu, ami tun hadia ami nia moris husi ailebá, ne’e siknifika ami tulun mós estadu tanbá estadu laiha responsabilidae hadia ami nia moris” tenik nia
Lito salienta, la’ós foin sira halo ida ne’e maibé iha 2014-2015 sira vendedor ambolante bá parlamentu hasoru deputadu sira no deputadu lubuk ida hanesan deputadu Domingos de Deus husi Aileu deputadu Joséfa, sira iha ne’ebá sira mak lori “ami nudar vendedor anbulante katak ami mak halo foer sidade Dili, ami mak halo macet movimentu sira tanbá ailebá ne’e taka dalan, maibé ami dehan ami seidauk taka dalan,”.
Nia esklarese, sekarik deputadu sira hakarak modernija vida ida ambulante ho vida seluk bele, maibe ho estudu viabilidade ruma katak ninia rendimentu ne’e tenke sustentavél atu nune’e bá oin nwgosiante sira bele husik ailebá.
Portavóz ne’e husu atu kria kampu de trabálhu ruma ba atu nune’e sira bele husik ailebá hodi bá servisu iha iha fatin ne’ebé fornese. Maluk bálun sai bá rai liur mós governu sira deporta fila, agora ba sira, sira lahetan ona oinsa atu bele servisu ba sira nian an se baut hotu interven hosi nain ulun sira.
“Ami lori ailebá ami nunka halo problema, ami lori ailebá ne’e atu hadia ami nia moris, ami nunka tane liman ka ismola bá membru parlamentu ka guvernu la iha, ami husi ailebá ne’e atu transforma deit folin ida ne’e hodi hetan osan sustenta ami nia familia,” konfesa nia
Nia dehan, iha ne’e bálun lisensiatura no bálun segundaria, husi ailebá mak selu eskola, la’ós estadu mak selu, estadu fo bolsu estudu hare liu bá nia familia
“Deputadu ne’e iha fuan Timor ka lae, se karik deputadu hanoin katak ami halo foer, maibe uluk ami hotu vota bá ukun an ami nunka halai bá Atanbua mais ohin loron ami terus nafatin bá rai ida ne’e,” hakotu nia
Jornalista : Azelio da Cruz
Editór : Felisberto F. da Costa
