Juliana Aprésia Simu Sertifikadu Nivel 3 Konaba Servisu Sosiál Iha MSSI Dili.

banner 120x600

(Dili), Mudansa- Funsionaria Instituisaun Fudasaun Forum Komunikasaun Joventude (F-FCJ) – Uma Mahon Balide, Juliana Maria Freitas informa, nia parte sente kontente bainhira tuir formasaun to’o hetan sertifikadu nivel III nia konaba servisu sosiál.

Formasaun ne’e, realiza iha Ministériu Solidariedade Sosiál Inkluzaun (MSSI) munisípiu Dili ne’ebé organiza husi The Asia Foundation (TAF) liu husi Programa Nabilan ba instituisaun governo no NGO sira iha rai laran oinsa halo atendimentu ba vitima no vulneravel sira.

Hafoin simu sertifikadu nivel III konaba servisu sosiál nian, Formandu na’in 7 foto hamutuk iha salaun MSSI Dili maibé formandu Feto ida la partisipa.

“Ha’u agradese, tanba ami  aprende konaba oinsa ita bele halo atendimentu ho kualidade ba kliente ka vitima vulneravel sira no mós oinsa ita uza palavra ne’ebé di’ak hodi komunika ho kliente no maluk staff sira,” dehan Juliana ba jornalista Mudansa.info  iha Bemori, Dili foin lalais ne’e.

Juliana rekoñese, maske nia servisu tinan barak ona iha uma mahon Balide maibe koñesimentu barak mak sei falta tamba ne’e liu husi formasaun servisu sosiál bele kapasita sira nia abilidade servisu.

“Ami presiza formasaun sira hanesan ne’e hodi kapasita ami iha koñesimentu iha aréa servisu sosiál nian, maibé la’os ida ne’e de’it tanba ko’alia mós konaba violensia bazeia ba jeneru no protesaun labarik,” Juliana esplika.

Nia deklara, dala barak kliente sira ba ho tipu kazu ne’ebé la hanesan tanba ne’e, presija hetan formasaun barak hodi aumenta sira nia kapasidade liu-liu iha area atendimentu nian.

“Materia ne’ebe ami hetan nafatin sei implementa iha instituisaun ne’ebé ami servisu maibé tuir kapasidade ne’ebe ami hetan husi formasaun refere.” Nia esplika.

Juliana Afirma, iha formasaun ne’e sira estuda mós materia espesifiku balun durante fulan (6), maske materia balu sira implementa ona iha fatin servisu maibé materia barak maka foun ba sira.

Senior Programa Office –Programa Nabilan, The Asia Foundation (TAF), Zelia Mira Gomes hanesan mós Formadora reforsa, apresia ba instituisaun ne’ebé haruka ona sira nia staff tuir formasaun sertifikadu nivel 3 ho sira nia komitmentu ne’ebe a’as no konsege realiza to’o remata.

Zelia salienta, Hanesan formadora iha esperansa nafatin ba partisipante sira tuir formasaun hodi hetan koñesimentu foun no mós aproximasaun hodi muda sira nia attitude,

“Ha’u nafatin husu ba formandu sira atu aplika sira nia abilidade iha servisu hodi fo asistensisa ne’ebé kualidade liu ba iha violensia bazeia ba jeneru no protesaun ba labarik inklui grupo vulneravel sira,” Formadora Zelia relata.

Nia informa, kursu ne’e hetan akreditadu husi Institutu Nasionál de Desenvolvimentu Mão de Obra (INDIMO). Entaun regulamentu todan inklui oras atu partisipa iha klase laran, no mós tempu atu halo asesmentu tanba sira tuir kursu ne’e Durante fulan ne’en (6) nia laran.

Iha sorin seluk Diretór Jerál Solidaredade Sósial no Inkluzaun (DGSSI), Florencio Gonzaga informa, Formasaun sosiál ne’ebé The Asia Foundation(TAF) oragniza, liu husi Programa Nabilan instituisaun Governo.

husi parseriu servisu NGO hodi fó kursu ba formandu na’in 8 husi Coalition for Diversity and Action (KODIVA), F-FCJ no paseriu sira seluk, durante fulan ne’en nia (6) tanba ne’e MSSI konsege fó sertifikadu nivel 3 ba formandu sira.

“ita konsege entrega sertifikadu ba formandu na’in 8 kompostu husi feto 5 mane nain 3, maibé formandu feto ida la partisipa, tanba tuir  formasaun sertifikadu nivel 3 liu-liu ba servisu sósial nian,” DJSSI Florençio deklara

Diretór ne’e realsa, Materia ne’ebé formandu sira hetan, ligadu ho asuntu violensia ba jeneru no protesaun ba labarik sira,  maibé iha materia espesifiku hanesan kompeténsia servisu sosiál ba iha prosesu atendimentu grupo vulneravel sira bazeia ba violensia jeneru no protesaun ba labarik.

“Ita apresia ba parte hotu ne’ebe responsabiliza husi Embaixada Australia, INDIMO no ICAR tanba suporta programa ne’e to’o remata,” DGSSI Florençio hakotu.

Jornalista                             :Manuel Andrade

Editór                                    : Orlando Mgno

banner 325x300