(Díli), Colmera 10 /07/ 2026 – Prokuradór foun na’in hitu ofisialmente simu kargu foun ho responsabel hodi serbí tuir konstituisaun da Repúblika(KRDTL). Iha serimónia tomada de pose ne’e xefe Governu no Primeiru Ministru husu atu tau importánsia no onestidade no mós defeza ba estadu de direitu.
Primeiru-Ministru, Kay Rala Xanana Gusmão, iha nia diskursu hatete,prosesu konstrusaun estadu depende mós ba instituisaun sira hanesan Prezidénsia, Governu, no Setór Justisa. Maski rekoñese katak dezafiu infraestrutura no karakter populasaun nian sai hanesan problema boot, Primeiru-Ministru husu ba jurista foun sira atu rona no halo tuir de’it ba dekretu lei.
“Ita ko’alia kona-ba lei no estadu demokrátiku,Fo hanoin ba jurista sira ne’ebé mak ohin tuir ona juramentu tenke tuir orden no sai ema ne’ebé honestidade,” dehan Primeiru-Ministru Xanana Gusmão foin lalais ne’e hafoin jurista foun nain 7 simu tomada de pose
Iha fatin hanesan, Prezidente da Repúblika de Timor-Leste (RDTL) José Ramos-Horta,salienta setór justisa ne’e ezije estudu naruk, grau akadémiku, no esperiénsia ne’ebé di’ak hodi avalia informasaun ba lei.
” parabéns ba prokuradór sira no husu ba militante no sidadaun hotu atu tuir regras ne’ebé vigora iha rai-laran” hatutan PR.
Representante em-posadu Floviana Cristóvão hato’o agradesimentu no reprezenta prokuradór foun sira atu deklara katak, momentu ne’e sei labele hamoos hosi sira-nia memória, tanba ne’e mak momentu ne’ebé transforma sira-nia moris hosi formandu ba prokuradór hodi servi rai ida ne’e.
” Ohin, ami la’ós asume de’it knaar no responsabilidade,maibe ami mos hetan ona formasaun atu sai prokuradór,Ami hetan oportunidade ida ne’e atu defende legalidade justisa nian no atu proteje sidadaun sira nia direitu,”nia hakotu .
Jornalista/estajiada : Natália de Gomes/Melania de Jesus
Editor :Ana Maria
