Dili, Colmera, 25 Maiu 2025 — Lideransa politika no eis-Primeiru Ministru (Ex.PM), Mari bin Amude Alkatiri, afirmá nia kumpri konvokasaun hosi instituisaun judisiáriu tanba respeita prosesu legal no independénsia judisiária iha Timor-Leste.
“Ha’u mai iha ne tanba ha’u respeita instituisaun judisiáriu, la’ós hanesan balun kuandu bolu la mai. Ha’u nunka halai hosi tribunal no Ministério Públiku no la hanesan ema balun” Hateten ex PM ba Jornalista sira, segunda 25/05/2026
Nia afirma katak nia prezensa iha ne’e tamba respeitu ba lei, demokrasia no independénsia judisiária iha nasaun ne’e.
Nia hatutan, prosesu legal tenke lao ho independénsia no livre hosi interese polítiku ka influénsia hosi grupu balun ne’ebé hakarak uza instituisaun judisiáriu ba benefísiu rasik.
“asuntu ne’e dadaun iha prosesu sei sai segredu justisa, tanba ne’e seidauk bele fó sai ba públiku” Nia akresenta
Nia reforsa “Saida mak iha laran ne’e segredu justisa. Ha’u prontu, imi akompaña deit luta ne’ebé foin hahú to’o aban bainrua”
Iha parte seluk, nia husu apoiantes no komunidade sira atu kontinua akompaña prosesu ne’e ho kalma no respeitu ba lei, no evita asaun sira ne’ebé bele perturba estabilidade públika.
Enkuantu karta notifikasaun husi Ministerio públiku ba Mari Alkatiri Iha loron 24 fulan maio tinan 2026 relasiona ho kazu NúC 0036/25. PGGCC Mari Alkatiri Corrupçâo (Fraude Fiskal, Abuzu de poder , administraçâo danoza) na RAEOA.
Jornalista/Estajiadu :Milenio d Costa
Editor :Ana Maria
