(Díli), Kampus UNTL, 12/06/2026- iha ambito seminariu ne’ebe reflete komemorasaun loron mundial kooperativa ne’ebe realiza husi estudante Universidade Nasional Timor Lorosa’e (sigla-UNTL), Dr. Armindo M. Maia Amaral mós hato’o nia hanoin kritiku kona-ba proposta lei Código Penal ne’ebé Governu aprezenta ba Parlamentu Nasionál, kona-ba kriminalizasaun difamasaun no injúria iha Timor-Leste.
Akademista ne’e hatuir,proposta lei foun husi Kodigu Penal ne’ebé atualmente diskute iha parlamentu nasional (PN) Timor-Leste. Tuir nia, proposta ne’e bele afeita liberdade espresaun no Kualidade demokrasia iha nasaun.
“lei ne’e inklui krime hanesan defamasaun, injúria, no ofensa koletiva no ofensa ba memória ema mate,Pontu sira ne’e konsidera problemátiku tanba bele limita sidadaun sira nia direitu atu koalia no kritika livremente”Hatete nia ba jornalista sira hafoin remata seminariu iha Kampus UNTL, Sexta,12/06/2026.
Nia kontesta,kona-ba defamasaun ne’ebé deskreve iha artigu 187 alinea A,katak lei ne’e bele konsidera deklarasaun ida hanesan krime, maski bazeia ba faktu ho loos. Situasaun ne’e bele kria ambiente tauk iha sosiedade, tanba kritika bele lori konsekuénsia legal.
Tuir nia,kritika ofensa ba entidade koletiva, no instituisaun públiku sira bele halo keixa hasoru sidadaun ne’ebé kritika. Nune’e mos, artigu 187 alinea C kona-ba ofensa ba memória ema mate bele limita peskiza no buka verdade istórika durante períodu to’o tinan 50.
“ lei hanesan ne’e bele proteje elite politika liu husi povu, no limita liberdade espresaun,Se ita la bele kritika, ita mos la bele hadia sistema,” dehan nia.
Entretantu nia alerta katak, implementasaun lei kriminalizasaun no defamasaun bele hamenus espasu demokrasia iha Timor-Leste. No nia husu ba lideransa politika sira atu foti desizaun ne’ebé proteje liberdade sidadaun sira.
Jornalista/Estajiada :Caryn Camões
Editor :Ana Maria
