(Díli), Kaikoli- Sekretadu Estadu Komunikasaun Sosiál (SEKOMS) Expedito Dias Ximenes no Visé Primeiro Ministro Kordenador Asuntu Ekonomiku no Ministru Turizmu no Ambiénte realiza programa Meet The Prees Ho Nia Tema “Desepenhu IX Governo Iha governasaun ba Tinan II.
“Hau hahú Kedas husi desempenhu IX Governo konstitusionál ne’ebé liderado husi sua Exelensia Maun bo’ot Kay Rala Xanana Gusmao hanesan Primeiru Ministru hahú husi loron 1 Fulan Jullo 2023 to’o mai agora, no Primeiru inísiu de IX Governo konstitusionál hafoin liu husi kristen ekónomika ne’ebé afeta husi post Covid iha mundu tomak kuandu ita hahú iha tinan 2023 iha 1 de jullu ita foin hatene no remata no afeta ba ekónomia no situasaun iha mundu tomak hatene katak mundu hetan afeta área oioin”, dehan.Francisco Kalbuady Lay iha nia diskursu salaun MTK Kaikoli, 29/07/2025.
Nia hatete kna’ar ne’ebé sira simu iha 1 de jullo nia mandatu tinan rua nia laran sira halo programa balun mak sira realiza ona, IX Governo konstitusionál halo ona balun ne’ebé povu bele senti buat balun ne’ebé sira halo.
“Ita bo’ot sira halo no ita bo’ot sira bele importante imi mak servisu ho fuan ho neon hodi hasoru difikuldade ho desafiu oioin, maibé mós iha progresu Governo iha objetivu klaru mak hadia moris povu nian no hadia mós governasaun no garante dezenvolvimentu ho justisa no paz kontrusaun do estadu mak prosesu atu kria no halo forte instituisaun estadu mak hanesan Governo, Parlamentu,sistema justisa,Polísia, FALINTIL-Forsa Defesa Timor-Leste F-FDTL,Eskola,Saúde no Administrasaun públika”, nia afirma.
Visé Ministru hatete, iha Timor-Leste konstrusaun estadu implika fortalese instituisaun husi nasionál to’o iha Munisípiu no organiza administrasaun públika iha nivel nasionál no Munisípiu liu husi programa desentralizasaun no asegura estadu direitu demokrátiku liu husi hadia no reforsa justisa ho efisiente ba ema hotu, desenvolve kapital umanu hanesan Edukasaun no Saúde hodi asegura estabilidade no soberania nasionál kria no hadia Polísia Nasionál Timor-Leste (PNTL) no proteje fronteira no soberania Timor-Leste.
“Desenvolve ekónomia sustentavel no reduz dependensia ba ajuda estranjeira uza rekursu naturais mak hanesan petroleo, agrikultura,no turismu ba dezenvolvimentu sustentavel, iha terseiru hakarak atu hato’o ba ita bo’ot sira katak estabilidade polítika no governativa no reforsa intituisional, no governo garante estabilidade polítika no governativa mak iha timor durante mandatu tinan 2 nia laran no lideransa ne’ebé forte liu husi vontade povu nian ne’ebe mak expressa liu husi sira nia eleisaun parlamentar tinan 2023”, dehan Visé Premeiru Ministriu
Nia sublinha, Governo fó prioridade atu hadia administrasaun públika mak hahú ona revizaun lei funsaun públika hodi garante administrasaun públika ida ne’ebé eficiente justa baseada ba merito, ekónomia ho finansa públika.
“Ita hare ba situasaun global hatudu katak ekonomia Timor-Leste fó sinal positivu ami ne’ebé fundu internasionál hatete katak kresimentu bele to’o ba 4% iha tinan oin 4,1% no agora iha fulan jullu ida ne’e mós iha indikasaun husi mantein 4% iha 2025, Governo hala’o preparasaun implemetasaun iha imposto valor akresentadu iha sistema tributariu nune’e estadu la depende de’it ba fundu petroleum no aumenta reseita domestika no ha’u mós atu hato’o katak ita depende ho de’it taxa atu mai halo fali dezenvolvimentu governativa nian ne’ebé iha mundu”, hakotu nia
Entretantu Meet The Press hetan partisipasaun maximu husi Média kovensional Online, Emprime, Radio no televisaun sira.
Jornalista: Maya Luanda
Editora: Gaudencia Belo
