(Díli) Qiuntal Bo’ot – serimonia agradesimentu ba II Membru Conselho de Impresa de Timor-leste (sigla-CITL) ne’ebé lideradu husi Prezidente Otélio Ote remata tamba ne’e bemvindu ba membru III (sigal-CITL) Ne’ebé simu ona tomada de posse husi Parlamentu Nasional.
Iha serimonia agradesimentu ne’e Sekretaríu Estadu Komunikasaun Sosiál (sigla-SEKOMS) Expedito Loro Dias Ximenes iha nia diskursu hateten Conselho de imprensa hanesan orgaun estadu ne’ebe independente no transparansiainklui garantia liberdade imprensa no espresaun.
“iha ha’u nia diskursu primeriu hau hakarak hato’o ha’u nia parabéns ba III membru Conselhu de imprensa no hakarak hateten conselhu de imprensa hanesan orgaun estadu iha orgaun regulador ba orgaun komunikasaun sosiál ida ne’e mak filojofia no politíka ida ne’ebé ita tenke ka’er metin, maibé keta haluha la’os independente mak ita ka’er mesak, ita tenke kaer mós orgaun estadu katak alein de regula orgaun komunikasaun sosiál nia mós responsabiliza ba estadu katak estadu ne’e mak povu no teritoriu ne’e mak estadu hanesan IX Governu foti (sigla-CI) hanesan parseriu estratejiku komunikativu atu nune’e IX governu liu husi (sigla-SEKOMS) Ita hotu bele garantia liperdade imprensa no espresaun, tamba ne’e governu ho konselhu de imprensa sei loke formasaun ba Jornalista sira ho karakter formasaun investigativu ba Jornalista sira hodi bele hadia kualidade de informasaun ne’ebe fo sai ba publiku”, dehan (sigla-SEKOMS) Expedito Loro Dias Ximenes ba jornalista sira iha salaun konferensia CI, foin lalais ne’e.
Iha fatin hanesan prezidente Conselhu de imprensa Antonio M.da C. M. Mali hatutan,nia parte agradese ba II Membru comselhu de imprensa ninia dedikasaun no servisu tomak ne’ebé durante ne’e hala’o ho sira nia prejensa atu hadia diak liu tan informasaun ba publiku.
“Ha’u hakarak fó agradese wain ba Prezidente sesante ho nia membru ne’ebé mak durante ne’e fó ona ita bo’ot sira nia dedikasaun no servisu tomak ba iha Conselhu de imprensa, atu hateten mós ba ita nia Jornalista sira hotu ita sei hetan dezafius makas iha kualidade Jornalismu ninian, tamba ne’e ita hotu kontinua atu esforsu makas hodi akompainha nafatin Jornalista sira tamba ita hotu hatene katak klasifikasaun iha liberdade imprensa tinan ikus ne’e tun tan de’it ita nia faktores sira hotu hodi hare kualidade Jornalista sira nian”, nia hatete
Aleinde ne’e Prezidente de Konsellu Imprensa (sigla-CI) sesante Otéliu óte informa ba iha III madatu atu bele kria buat foun ne’ebé I mandatu no II mandatu sedauk halo no mós buat ne’ebé sira halo ona atu bele hatutan, no hadia di’ak liu tan iha futuru.
“Iha ami nia mandatu tinan ha’at nia laran buat ne’ebé ami halo mak buka dalan éinsa hadia planu esratejiku, óinsa halo buat ne’ebe vigor liutan iha supervijaun vida konteudu jornalistiku ninian, buka dalan haburas mós parseria internasional no parseria nasionál sira atu bele aumenta tan frekuensia ba formasaun sira ne’ebé ita liu ona, no buat barak mak ita hakarak halo maibé ita depende mós husi orsamentu jeral do estadu entaun ita tenke sukat tuir kapasidade ida ne’e no lideransa ne’ebé tinan ha’at ami liu difisil tebes, tamba iha difikuldades barak ami hasoru maibé ami nia objetivu ida de’it hakarak atinji no defende liberdade imprensa, liberdade opiniaun espresaun no mós liberdade independensi editorial”,hakotu nia
Estajiadu: Pedro Klau
Editora: Gudina Belo
