Díli (Mudansa)- Diretora ezekutiva Domingas Afonso Amaral hatete, husi fulan Janeiro to’o Setembro tinan 2024 Fokupers rejista Kazu Violénsia Fízika hamutuk 280 resin, husi númeru ne’e Munisípiu Ermera mak rezista ho númeru ne’ebé a’as liu.
“Iha Kazu ne’ebé mak dadaun ne’e Fokupers rejista husi fulan Janeiru mai to’o Setembru ita kuaze iha 280 ital kazu ne’ebé maioria mak violasaun fíziku, ita mós durante ne’e akompañamentu ba feto sobre vivente sira liu-liu feto vítima bazeia ba jeneru, ita mós konsegue lori labarik ka independente sira ne’ebé mai hamutuk ho inan sira iha uma mahon entaun ita konsegue akomoda labarik sira hamutuk 88,” dehan Diretora ezekutiva Domingas Afonso Amaral ba jornalista sira iha Salaun Delta Nova, Díli 09/12/2024.
Diretora ne’e hatutan, númeru kazu violénsia fíziku 280 resin ne’ebé mak Fokupers rezista kobre hotu Munisípiu 13 inklui Raeoa, maibé númeru kazu ida bo’ot liu entre Munisípiu sira ne’e mak Ermera.
“Tuir dadus ne’ebé Fokupers rezista iha nia data based maioria mai husi Munisípiu Ermera no tuir fila fali iha Munisípiu Manufahi no iha Munisípiu sira seluk iha maibé númeru bo’ot liu mak husi Munisípiu Ermera,” hakotu nia
Atu prevene aktu violénsia hirak ne’e mak Fokupers halo medidas oi-oin hanesan realiza kampaña loron 16 ativizmu kontra violénsia hasoru feto iha loron 06 fulan Dezembru tinan 2024, iha loron 03 fulan Dezembru tinan 2024 Fokupers realiza mós Bazar no seminariu ho tema “hamutuk ita prevene no hapara violénsia hasoru feto liu husi asegura feto nia direitu fundamental inklui direitu ba rai no prioridade” komera mós loron 16 ne’e iha salaun Delta Nova liu husi dialogu ho tema “Hamutuk ita prevene no hapara violénsia hasoru feto hodi promove igualidade no asegura feto nia direitu umanu liu husi empodera ekonomia.
Jornalista: Remigia Locateli
Editora: Sandi Belo
