(Likisa)Média Mudansa-Konsellu imprensa (K.I) servisu koopera hamutuk ho United Nations Development Programe (UNDP) Timor-Leste, hodi fo formasaun jornalismu ba jornalista media online,imprime no televisaun sira iha munisipiu likisa.
Tuir prezidente Konsellu Impremsa (K.I) Otelio Ote iha diskursu hatete, formasaun ne’e importante tebes ba jornalista timoroan sira atu nune’e bele hadia diak liu tan kapasidade jornalista sira wainhira halao kobertura iha area ambiente ninian no mos transforma informasaun ne’ebe mak lo’os no kredivel ba sosiedade.
“Enkuraza nafatin jornalista sira, atu tuir formasaun ne’e ho di’ak, no oinsa bele hasa’e liutan imi nia kapasidade iha mundu jornalizmu nian liu-liu iha area Ambiental nian “ Dehan Prezidente K.I, Otelio Ote liu husi Nia diskursu bainhira loke formasaun iha Salaun Alma do Mar Likisa, Segunda (12/09/2024).
Presidente K.I Husu ba jornalista hotu-hotu atu aprende no kompreende diak liutan ba oportunidade ne’ebé iha, no mos tenki hala’o servisu ho profisionalizmu inklui buka hatene informasaun ne’ebé loos no kredivel, hodi fo sai ba publiku.
Representante Sekretariu Estadu Komunikasaun Sosial (SEKOMS) Elizeu Isaac husu ba formandu sira atu aproveita oportunidade ida ne’e, hodi hasa’e koiñesementu jornalismu iha area ambeintal ninian inklui mos bele halo produsaun ba notisia nebe diak.
“Sekretariu Estadu nia lia-menon ba Jornalista hotu katak, aproveita oportunidade ne’e ho di’ak atu hariku liutan Jornalista sira nia koinesimentu hanesan jornalista, nune’e bele halo kobertura notisia sira ho di’ak,” Hateten Representante SEKOMS ba Jornalista sira.
Entretantu, iha ámbitu formasaun ne’e iha sesaun abertura hetan partisipa masimu husi representante UNDP no Embaixadór Japaun no formandu Jornalista nain-29 husi Media Radiu Televisaun Timor-Leste, Empresa Públiku (RTTL, E.P), Agéncia Notisioa TATOLI, E.P, Media Online no Imprime sira seluk tan, enkuantu formasaun refere sei hahu iha loron 9 fulan Dezembru no sei remata iha loron 11 fulan dezembru tinan 2024, no formador mai husi Indonesia Untung Widyanto ne’ebe hanesan mós jornalista iha media jornal tempo Indonesia.
Jornalista : Zemidonio Martins
Editor : Sandy Belo
