DILI(Mudansa)-Asosiasaun Jornalista Timor Leste (AJTL) hamutuk ho Oxfam realiza media tour durante loron tolu kona-ba mudansa klimatika iha Suku LauAna no Suku KatraiKraik iha Postu Administrativu Letefoho Munisipiu Ermera.Objetivu husi Media Tour ne’e maka jornalista sira atu hakbesik a’an liu ba komunidade iha area rural sira atu bele hare no sente direta problema Mudansa Klimatika ne’ebé komunidade sira hasoru
“AJTL hamutuk ho media sanulu resin lima sei halo media tour ba iha Letefoho ho objetivu atu foka liu ba mudansa klimatika tnb populasaun sira durante ne’e moris ho kafe,entaun ami mós halo ona media brifing ba jornalista sira oinsa atu identifika issu mudansa klimatika ne’ebé inan aman sira enfrenta,”Sekretariu Jeral AJTL Acasio Pinto dehan ba jornalista sira iha edifisiu OXFAM HudiLaran ohin.Nia afirma, ho media tour ida ne’e ajuda komunidade sira oinsa identifika sira nia problema nune’e hatoo ba ministeriu relevante sira atu tau atensaun.
Iha fatin hanesan,Adilson da Costa Junior hateten OXFAM Timor Leste servisu hamutuk ho Asosiasaun jornalista Timor Leste(AJTL) hodi realiza programa media tour ida ne’e atu haree liu ba mudansa klimatika neebe inan aman sira hasoru iha suku Lauana no suku katrai kraik iha postu Administrativu Letefoho,Munisipiu Ermera.
“Ha’u hanoin importante tebes ita boot sira halo kobertura kona-ba asuntu importante sira dalabarak ita nia maluk sira infrenta iha area rural,informasaun hotu hotu dalaruma iha Dili deit,dalaruma ita mos lakon informasaun husi ema difesensia no maluk sira ne’ebe hela iha area rural ne’eba inferenta,Programa media tour ba dala tolu,iha tinan ida ne’e diside halo iha munsipiu Ermera parte Letefoho,asuntu importante balun ita koalia iha brifing ne’e impaktu mudansa klimatika ne’e ba produsaun agrikultura liliu ba produsaun kafe rasik inklui bee moos,”nia konklui.
Entertantu Media Tour ne’e realiza ba dala tolu dahuluk iha Laútem, daruak iha Baucau no datoluk iha Ermera,AJTL servisu hamutuk ho OXFAM Timor Leste ne’ebe hetan apoiu fundus husi Oxfam Honkon.
Jornalista: Remiaja Locateli
Editóra: Sandi Belo
