(Díli) Mudansa –Grupu Kultural Parokia Imaculada Coração Maria (PICOMA) Maubisse sei simu Sua Santidade Papa Francisco ho lian dadoli no bidu iha Igreja Maria Imaculada Conceição Katedral Díli iha loron 10 fulan setember tinan ne’e, Igreja Maria Imaculada Katedral Díli sai mós hanesan destinasaun ida husi sekuensia vizita pastoral sua Santidade nian iha Timor-Leste hodi enkontru hamutuk ho relijiozu no relijioza sira.
“Governu hamutuk ho Igreja mós iha fulan jullu liu ba nomeia ona Grupu Kultural PICOMA ne’ebé eziste ona iha tinan 1989 hodi hola kna’ar ba simu Sua Santidade ho lian dadolin no bidu atu hatudu sentidu inkulturasaun entre igreja no kultura Timor- Leste,Igreja Maria Imaculada Katedral Díli sai mós hanesan destinasaun ida husi sekuensia vizita pastoral sua Santidade nian iha Timor-Leste hodi enkontru hamutuk ho relijiozu no relijioza sira, dehan Ekipa Koordenador Tekniku ba Kultural PICOMA, Paulo Doutel Sarmento ba jornalista sira iha Igreja Katedral Díli, sabádu ne’e, (07/09/24)
Koordenador ne’e informa, iha dader ne’e Kultural PICOMA hamutuk 30 ne’e kompostu husi feto 13 no mane 17 husi Munisípiu Ainaro Postu Administrativu Maubisse Akompaña husi Padre Paroku Katedral, Paulus Maia halao geladi hamutuk bá preparasaun atu simu Sua Santidade Papa Francisco nia vizita mai iha katedral.
“Ohin ami mai iha sidade Díli atu halo
preparasaun ba seksaun kultural ba Sua Santidade Amu Papa Francisco geladi nune’e iha loron 10 dader ami prontu hodi lori serimonia ida ne’e, tarefa ne’ebé governu no haruka mak iha pakote tolu kompostu husi Serigala, Olik no Tebe Dahur no tebe Serigala mak sei halo simu no look bua malu, tabaku no seluk tan, lia olik (dadolin) sei husu bensa matak malirin hafoin sei taka ho tebe dahur katak ida ne’e mak reprezenta povu Timor-Leste husi Tutuala Lautém to’o Lifau Oe-cusse, husi Viqueque Ataúro to’o Betano Manufahi,” Nia subliña
Koordenador ne’e dehan, Nia lori Sarani no povu tomak nia naran hodi hato’o bem-vindu ba Sua Santidade Papa Francisco, Sei hu’u karau dikur hodi hatudu ksolok husi povu Timor nian ba Amo Papa.
“Ha’u lori Sarani no povu tomak nia naran hodi hato’o bem-vindu bá Sua Santidade Papa Francisco, Sei hu’u karau dikur hodi hatudu ksolok husi povu Timor nian ba Amo Papa katak bainhira nia mai ho lori saseluk São Pedro mai iha Timor-Leste hodi hatudu maske do’ok tebes maibé nia saseluk bele hiit aan mai to’o iha rai ida ne’e,” Hatete Nia
Iha sorin mós Padre Parókia Katedral, Paulus Maia mós hatutan katak, agora dau-daun iha faze final ona ne’ebé hein de’it atu simu Papa nia vizita iha uma kreda ida ne’e meius kapasidade sira ne’ebé iha bele dehan preparasaun to’o ona faze final,hein de’it ona iha loron 10 fulan Setembru mai ne’e.
“Tuir planu iha loron 10 fulan Setembru 2024, oras 09:30otl Papa Franciso sei hala’o vizita ba Igreja Katedral hodi fó bensa ba ema moras hamutuk atus ida resin inklui enkontru ho relijiozu/relijioza sira, katekista sira hamutuk rihun rua neʼebé hahú tama areador igreja husi tuku 04:00 dader to’o 07:00 hodi simu Papa Francisco,” Hakotu padre Paroquia Katedral Paulus Maia
Entertantu iha Sabado dader ne’e jornalista Média Mudansa halo observasaun direita iha fatin katedral nian katak, iha grupu kategorial eskuteiru, apostoladu, akolitus sira halo limpeza jeral iha area Igreja Katedral, no mós Grupu PICOMA
halo mós preparasaun lian dadoli kultural nian, iha dader no marka prezensa husi Ekipa Delegasaun Vatikanu no akompaña husi Nunsiatura Apostólika,Monseñor Marco Sprizzi no Arsebispu Metropolitana Díli, Dom
Virgílio Kardeal do Carmo da Silva SDB nomós inspesaun ikus ba faze preparasaun iha Igreja Katedral ne’ebé mak prontu ona atu simu Sua Santidade Papa Francisco.
Jornalista : Gaudéncia Belo
Editóra : Delfina Borges
