(Díli) Mudansa – Sua Santidade Papa Francisco to’o iha Aeroportu Internasionál Nicolau Lobatu tuku 14h20, ho Aviaun Air Niugini, simu direita husi Prezidenti Repúblika, José Ramos-Horta, Primeiru Ministru, Kayrala Xanana Gusmão, Arche Bispo Arquediocese Metro-Politania Díli, Dom Virgilio Kardeál do Carmo da Silva SDB · no Bispu sira seluk.
Sarani lubun bo’ot hamriik iha Estrada ninin hahú hosi Rotunda Nicolao Lobato Comoro to’o iha Motael kanta ho haksolok no ka’er Bandeira Timor-Leste, Bandeira Vatikanu no Bandeira Papa nian hodi simu Sua Santidade Papa Francisco, ho kontenti sarani balun hamonu matawen wainhira Papa ho kareta liu husi sira nia oin.
Enkuantu Sua Santidade sai husi Aeroportu Internasionál Nicolao Lobato ho kareta Zeep mutin bá fatin deskansa iha Motael.
Nunee tuku 18h00 lorokraik Sua Santidade sei bá Palacio Prezidente Aitarak-laran hodi hala’o enkontru ho Prezidente Repúblika José Ramos Horta, nunee iha oras hanesan Primeiro Ministru Kayrala Xanana Gusmão sei hasoru malu mós ho Sua Santidade nia omologu Kardinál Pietro ne’ebé sei la’o durante minutu 20 nia laran.
Jornálista: Sandi Belo
Editóra: Delfina Borges
