(RAEOA-OECUSSI) Deskonfia Membru husi instituisaun FALINTIL-Forsa Defeza Timor-Leste (F-FDTL) ida husi komponente Naval Fujileiru ho naran Reinaldo Ximenes, tiru-an iha postu komponente navál, neʼebé lokaliza iha bairru Oébau, suku Costa, sub-rejiaun Pante Makasar, Rejiaun Administrativu Espesiál Ambenu Oekusi (RAEOA).
Tuir informasaun nebe maka Média Mudansa asesu iha sosial Media katak kazu ne’e akontese iha oras tuku 09:30,dader no hetan kedas asisténsia médiku husi Ospitál Referál Oekusi, maibé la konsege salva vida tamba Matebian hakotu i’is iha fatin akontesimentu.
Hafoin akontesimentu nee akontese, parte Komandu Polísia Nasionál Timor-Leste (PNTL) Munisipiu Oekusi liuhusi seksaun investigasaun kontinua halo seguransa iha lokál krime no kontinua monta polisía liña hodi asegura evidensia sira.
Komandante F-FDTL Komponente Naval Komodoro Hijino das Neves hateten, akontesimentu nee seidauk identifika nia motivu refere maibe nia parte seidauk hatene informasaun lolos maibe tuir nia hatene katak problema oitoan iha familia uma laran maibe liuhusi prosesu investigasaun mak bele hatene
” Foin dadaun nia nia familia halo nia fuan moras oitoan no komandante Posto autoriza nia fila ba uma iha semana rua liu ba, agora sira iha problema mos hau seidauk hein prosesu investigasaun ” Hatete Komandante Kapitaun F-FDTL Komponente Naval Ijino das Neves foin Lalais nee RAEOA 10/06/2025
Entretantu komandu komponente navál seidauk relata ba públiku konaba kazu refere no nia kronologia husi akontesementu nee maibe sei entrega relatóriu no submete direita ba komandu nasionál no ba tribunal hodi. (nafatin akompaña Informasaun Tuir Mai)
