(Díli) Taibesi- Lixu mak fo’er ne’ebé ohin loron sai famozu iha ema hotu nia matan iha Timor-Leste, no foer ne’ebe produs husi ita ema nia hahalok inkonsiensia sira,liu-liu iha sidade Díli. Tanba Dili nu’udar kapitál nasaun nian. Lixu nu’udar problema, iha fatin hotu-hotu. Lixu mós kauza husi hahalok ne’ebé ema rasik halo no Ia konsiente katak bele afeta ba nia an rasik, ema seluk no ambiente. Lixu nia fatin Ioloos bele soe iha fatin lixeiru ne’ebé governu prepara ona iha dalan-ninin sira maibe komunidade nafatin laiha konsiensia hodi soe lixu la tuir oras ne’ebe mak iha.
Iha tempu udan Lixu nafatin Kontinua naklekar iha Merkdau Taibesse tanba Komunidade la kumpri tuir regulamentu ne’ebe mak parte autoriedade fó sai, soe lixu la tuir fatin, Governu liuhusi Ministerio Administrasaun Estatal (MAE), iha periodo 2017 aloka ona Orsamentu jeral estadu ho montante dolares amerikanu milaun (Rua-nulu) $20, hodi dezenvolve sistema Jestaun ba lixu iha Munisipio Díli, maibé komunidade no visitantes no negosisante merkadu Taibese laiha konsiensia hodi nafatin soe lixu la tuir nia fatin ne’ene prepara ona la no oras ne’ebe iha, tuir dekretu-lei Númeru 33/2008 hateten katak Proibisaun Soe Lixu Naklekar iha fatin publiko hanesan dalan, mota, tasi no ai-laran, Iha penalidade ba ema ka empresa ne’ebé la kumpri tuir jestaun lixu ho di’ak.
Tuir observasaun Jornalista Média mudansa iha tereinu nota katak, komunidade no visitantes merkadu taibese soe lixu la tuir fatin ne’ebe mak governu prepara ona inklui mos soe lixu la tuir oras ne’ebe mak iha.
Maske Autoriedade Munisípiu Dili kontinua husu ba visitante no negosiante sira aiha merkadu Taibesse ho responsabilidade nu’udar sidadaun Timor oan atu kontribui di’ak ba ita nia rain tenki tau lixu tuir nia fatin ne’ebé mak Prepara, Maibé negosiante no komunidade sira kontinua aumenta soe lixu la tuir nia fatin , no hafraku konsiénsia Pesoál ida-idak nian hodi kontinua nafatin soe lixu iha merkadu Taibesse nia oin, maske merkadu Taibesse konsideradu hanesan merkadu nasional maibe lixu kontinua naklekar iha Portaun oin merkadu Taibese inklui mos lixu naklekar tun sa’e iha Estrada ninin sira hodi fó i’is ne’ebe la saudavel ba visitantes sira wainhira bai ha fatin refere. (Taibese, sexta-feira 07/02/2025)
Entretantu, husi Autoridade Munisípiu Dili kontratu ona ho kompaña local sira ho total karreta (truck) 50 ho orsamentu hamutuk dolares amerikanu millaun (ida) $1-resin hodi rekolla lixu ba soe iha Lixeira Tibar kada loron iha dader tuku 6 , Maibé Komunidade sira ne’ebe hela iha area Merkadu Taibesi nafatin kontinua soe lixu arbiru no latuir fatin ne’ebe governu prepara ona iha fatin públiku sira.
Jornalista/Estajiadu :Inácio Silva /Rogerio Anuno
Edítor :Sandi Bello
