(Laga) Mudansa -Xefe Suku Sagadate, Aureliano de Jesus, agredese AJTL ne’ebé mai vizita ami nian Suku no halo kobertura ba atividade sira ne’ebé Klibur Estudante Juventude Suku Sagadate realiza iha tinan barak liu ba no asuntu jerál sira seluk. Vizita ida ne’e refleta misaun loloos Jornalista sira nian hodi hatutan lian ba lian laek sira.
“Ami Hein katak benefisiariu sira husi atividade Permakultura no ema vulneravél sira ne’ebé fo informasaun ba Jornalista sira, bele uza ba elabora istoria no notisia ne’ebé bele fahe istoria susesu Suku ida ne’e. Jornalista sira bele hatutan desafiu sira ne’ebé populasaun sira enfrenta daudaun ba autoridade kompetente no ajuda oferense solusaun apropriadu,”dehan xefe suku sagadate,Aureliano de Jesus, liu husi Konferênsia impressa iha sede suku sagadate, hafoin halo media tour, iha suku no aldeia sira, Domingo, (11/08/2024)
Autoridade Suku nian akompañamentu hahu hosi tinan 2020, KEJUSS hala’o movimentu hodi halo identifikasau ba problema sira ne’ebé komunidade infrenta mak hanesan Bee matan, postu saúde, edukasaun, infrastrutura baziku, no agrikultura ba aldeias sanulu (12) ne’ebé mak pertense ba suku Sagadate.
Nia hatutan, liuhosi identifikasaun ne’e, fó espasu ba KEJUSS hodi halo intervensaun ba problema hirak ne’ebé komunidade infreta liu ba bee ne’ebé mak sai faktor importante.
Autoridade Suku Sagadate hakarak agradese KEJUS no PERMATIL ne’ebé tinan kotuk realiza akampamentu juventude permakultura ne’ebé ajuda kria debu, travasaun kadalak no terasering, ne’ebé kapta no infiltra bee ba rai laran hodi haforsa bee matan sira, prevene erozasaun, haburas rai no haburas ambiente,”tenik xefe suku sagadate.
“Ami hatene katak bee matan no kadalak sira ne’ebé KEJUSS no PERMATIL halo fo rejultadu di’ak ba rekursu bee, rai no ambiente enjerál.
Autoridade Suku intende, desafiu barak liu kontinua ezistese iha Suku ida ne’e, ho kontribuisaun KEJUSS, PERMATIL no populasaun tomak inklui autoridade sira hotu nian esforsu no kontribuisaun bele hamenus desafiu no realiza asaun estratejiku sira ne’ebé posibiliza dalan ba redusaun desafiu sira ne’ebé iha.
Iha Suku ida ne’e, eskola, hahu husi eskola báziku to’o eskola pre-sekundaria, iha sentru saúde ida de’it ne’ebé atende no fornese asistenseia saúde ba populasaun husi aldeia 11. Hanesan Jornalista haree rasik, aldeia sira lokáliza iha area remotas no dook husi sentru postu no servisu publku sira seluk. Ami hein katak iha futuru autoridade kompetente bele buka solusaun apropriadu ba desafiu hirak ne’e.
Iha Suku ne’e mós aldeia balun ho inisiativa dala ona liñe eletridade ba sira nia aldeia, aldeia no sentru balun estadu mak ba ajuda dada liñe eletridade.
“Ami nu’udar autoridade lokál hosu nafatinba parte, ministeiru relevante no ajensia internasionál sira ho ajuda estadu no autoridade Suku hodi hare difikuldade sira ne’ebé povu infrenta iha area rurál sira hanesan: Transporte públiku ida hodi transporta populasaun ne’ebé maka afeta moras, inan isin rua hodi ba sentru saúde tamba aldeia balun dok husi sentru saúde mak hanesan aldeia Abuti, Seribu’u, Selegua no Auraba ne’ebé lao kilometru do’ok oituan.
Iha asuntu edukasaun hatudu, menus profesores, falta bee moos ba eskola hodi tein ba merenda eskola, no seidauk iha sistema saneamentu ne’ebé adekuadu, seidauk iha biblioteka, no kontinua falta fasilidade sira ne’ebé apoiu aprendizajen.
Maske Estrada tama hotu ona kuaze aldeia tomak maibe kontinua seidauk di’ak no espera katak ho prezensa jornalista sira bele halo notisia no informa ba autoridade sira hodi ajuda mellora liu tan Estrada sira hodi azuda povu.
Ho alterasaun klimatika, afeta ba aspeitu barak iha Suku ida ne’e, halo bee maran, rai maran, ai-han ba balada sira menus no populasaun kuda aihan barak la moris no la fo rezultadu di’ak kompara ho tinan barak liu ba.
Jornalista: Ana Ribeiro
Editóra: Delfina Borges
