(Laga) Mudansa-Kordenador KEJUSS Celestino Gusmao pereira hatete, Grupu Klibur Estudante Joventude Suku Sagadate konsege implemeta sistema konservasaun bee hodi asegura bee matan tuan sira, ho susesu konserva bee ba komunidade iha tempu bai-loron iha postu Laga, Sagadati.
“Ha’u uluk halibur malu iha Front Mahaswa Timor-Leste, ha’u aprende ativitismu iha Universidade hamutuk ha’u nia ativitismu estudantil. Hahú ho ha’u nia organizasaun estudantil hola parte front mahasiwa Timor-Leste hafoin kolega sira seluk husi Suku Sagadate ne’e rasik mak halibur malu depois bolu ha’u mai hamutuk ho sira, “Kordenador Celestino Gusmao pereira dehan ba jornalista sira iha Onebuu, sabado (10/08/24).
Nia akresenta, Iha tinan 2014 estudante no joventude hamutuk 20 pesoas hasoru malu iha sede Suku Sagadate, hafoin halo kongresu no hili estrutura, iha esturuta ne’e, balun graduadu, balu servisu tiha. Husi ne’ebá hahu difine asaun, dezenolve atividade barak hanesan, semináriu, diskusaun ho autoridade lokál, halo atividade halibur no konsolida orsamentu no sira seluk mak halo servisu komunitaria.
Liuhosi hosi grupu ne’e, fó apoiu ba Suku halo advokasia ba atividade oi-oin, halibur Suku Sagadate nia oan sira hotu-hotu ne’ebee eskola iha universidade, kontinua halibur malu, dezenu planu no diskute hamutuk estratéjia no mós halo indentifikasaun bá problema ne’ebee Suku Sagadate infrenta.
“Iha tinan 2014 halo semináriu bo’ot ida iha Suku Sagadate ho asuntu oi-oin mak hanesan Edukasaun, Saúde no Agrikultor, no Joven, nune’e, estudante sira iha Suku Sagadate sira ne’e mak halibur informasaun deskute ho autoridade lokál sira kona-ba difikuldade saida mak Suku ne’e rasik infrenta hafoin diskute Asuntu sira ne’e hotu ami bá vijita direita Suku ho aldeia sira ne’ebee mak infrenta hela bá saúde ho edukasaun”, katak Celestino.
Nia sublina, Difikuldade ne’ebee mak iha KEJUSS hasoru, la fasil atu organiza estudante sira iha fatin ne’e tanba hasoru difikuldade mak finanseira, transporte, alimentasaun no seluk tan, maibee ho estudante sira nia vontade rasik buat hotu la’o maske estudante balu kontinua sira nia estudu iha universidade no balu iha ne’e atividade kontinua la’o.
Nia esplika, iha Tinan 2020 ekipa KEJUSS tuir akapamentu joventude prema kultura iha Dare, iha sesaun ikus akapamentu nian, partisipante sira mai husi Munisípiu oi-oin hatama planu aksaun bá Prematil, tanba ida ne’e mak KEJUSS mós hatama plnau hodi implementa travasaun halo debu teras.
emajen: Ana Rebeiro
“KEJUSS prodúz produtu iha aldeia Onebuu ne’ebee populasaun sira mak kontrola no iha aldeia Selagua mós populasaun sira mak kontrola. Ami ajuda halo komunidade sira nia Lutu, bá floresta, ami mós kuda platasaun bá komunidade atu sira bele konsumu no hadia estrada. Atividade sira seluk mak konservasaun bee iha foho nia leten, travasaun kadalak ne’e mak ami dada mai sentru para komunidade sira konsumu bee matan ida Iha rai Purdau”, nia adiata.
Nia hatutan, bainhira iha bailoro hanesan ne’e be maran ona maibé agora iha tinan rua ou tolu nia laran be sei mai nafatin, foin lalais KEJUSS bá halo observasaunb á Bee matan. KEJUSS susesu konsege hamoris ona Bee matan.
Jornalista :Ana Ribeiro
Editóra:Delfina
