(Díli) Mudansa-Xefi Gabinete Relasaun Externa no Komunikasaun (GREC),Cesario da Silva Marques, hateten, númeru estragus rua-nulu (20) númeru afetadu atus-ida tolu (103) iha Munisípiu sanulu resin-tolu inklui Raeoa.
“Númeru estragus rua-nulu (20), uma ualu (8) latama kategoria, númeru afetadu atus-ida tolu (103) iha munisíspiu sanulu resin-tolu inklui Raeoa hanesan Munisípiu Baucau anin sobu uma ida (1), Bobonaro anin sobu uma ida (1), Covalima anin sobu uma tolu (3), Díli mate nain-rua (2), Ermera anin sobu uma haat (4), ahi han uma ida (1) no mate ida (1) Lautém ahi han uma ida (1), Liquiça anin sobu uma ida (1) no ahi han uma ida (1) Manatutu anin sobu uma rua (2), RAEOA anin sobu uma lima (5) ahi han uma tolu (3) no Munisípiu Viqueque anin sobu uma (3),” dehan Chefe (GREC), bá Jornálista sira liu hosi komúnikadu Imprensa, iha APC Kaikoli Díli segunda-Feira (05/08/24)
Nia akresenta, komandu Autóridade Protesaun Sivíl (APC sigla Portugés) Munisípiu ho parseirus relevante fornese asisténsia emerjénsia bá família afetadus sira hanesan ai-han no la’ós ai-han (food item no food item).
“Husu bá komúnidade sira labele La’o saí bá fatin risku sira no labele husik labarik sira ba mota ninin, labele husik labarik halimar besik iha besin-rin. nomós husu bá Inan-Aman agrikúltóres kuandu udan no anin bo’ot labele bá ona to’os ho natar no labele koko hakur mota bainhira udan bo’ot,maibé komandu Operasionál Autóridade Protesaun sivíl (APC) Munisipiu sira sei kontinua halo hela levantamentu detállu kona-bá sasan neebe estragus no lakon,”Nia subliña
Nia affirma,iha loron 29 Jullu to’o 5 Augusto durante semana ida ne’e, iha teritóriu Timor-Leste normál.
“Ohin loron 29 Jullu to’o 5 Augusto durante semana ida ne’e, iha rejiaun Timor-Leste normál no akontese tipu dezastre mak sentru Nasionál Operasaun Protesaun Sivil ( CNOP-APC sigla Portugéz) rejistu vitima na’in ha’at (4) mate nain tolu (3), kanek ida (1), no mós tipu dezastre hamutuk rua-nulu resin-ualu (28) mak hanesan anin bo’ot no ahi han,” Nia hakotu
Jornálista: Ana Ribeiro
Editóra: Delfina Borges
