(Dili) Mudansa-Julmira Octafela Batista halo asaun karidade tuir forsa ne’ebe iha,ba avo Claudia, nu’udar umanu haree ba situasaun realidade avo claudia Persiza duni ema hotu nia tulun.
Tuir Julmira Octafela Batista akresenta, antes ba ne’ebá nia mós haree akompañia informasaun liu husi públikasaun Media Mudansa nian.
“Bainhira ha’u haree informasun ne’e katak avo ne’e buka hahan iha parte lexeiru Tibar, enataun iha momentu ne’ebá, ha’u nia fuan ne’e tanis lós no iha momentu ne’ebá ne’e ha’u hanoin hela atu hili dalan oinsa hodi atu resolve netik avo nia nesesidade moris nian iha oras balun deit,molok ha’u ba han suru etu ha’u hanoin ona avo Claudia ne’e han ona saida, entaun iha momentu sira hanesan ne’e, ha’u mós koñese kolega ida husi Brasil no nia mós ajuda ona ema lubuk ida iha Timor, iha kalan ne’e kedas ha’u lansun manda mensagen ba nia dehan katak avo ne’e presiza tebes hahan, karik bele ita bá ajuda,” Dehan Octafela Batista ba jornalista Media Mudansa iha Tasi-Tolu, Tersa-Feira (23/07/24)
Julmira hateten, kolega ne’e haruka nia manda notisia ne’ebé Públika husi media Mudansa rasik nia haree no lee.
“Kolega husi Brazil ne’e haree no lee notisia públika husi Media Mudansa nian, depois nia husu tuir palavra ne’ebe nia la komprede ha’u halo tradusaun fali ba nia, ne’e mak nia foin komprende kona bá notisia ne’ebe Publika liu husi media Mudansa,” Nia konta
Nia dehan, sira tau osan ituan hodi ajuda nesesidade avo Claudia nia presisa iha situsaun ne’ebe difisil.
“Ami mós tau osan ho dollar lima-nulu ($50) sosa netik buat ne’ebé mak avo presisa ba loron balun nian, hanesan fos saka ida, Supermi kaisa ida, kafe, masin midar, biskoit, mina, man-tolun no tuir ami nia forsa,” Nia subliña
Julmira hateten,planu iha loron horseik atu mai,maibé la konsege,tambá tempu limite lós entaun muda fli mai loron ohin nian.
“Ami la’os grupu, laos ekipa no la’os husi Governu,maibé ami mai individu, tanbà haree informasun ne’ebe espalla husi Media Mudansa,enatun ami tau osan hamutuk, balun hodi ami lori mai iha ne’e,” nia konta
Nia afirna, iha oras ne’e ema balun Ekonomia ne’ebe aas no avansadu,tanbà sira hatene katak avo nia situasaun ne’ebé mak agora daudaun nia hasoru iha parte ekonomia nesesidade lor-loron nian liu-liu ba iha parte.
“Ha’u husu ba ema hirak ne’ebé mak Ekonomia iha labele han mesak fahe mós bá ema ne’ebé mak la hetan liu,no tenki fahe tia beban bo’ot ne’ebé mak ita iha,” Nia rekomenda
Iha sorin seluk Claudia Reis De Jesus, sente kontenti hetan tulu husi ema individu bali liu husi píblikasaun Media Mudansa.
“Obrigado barak ba oan sira nia ajuda ohin hetan tulu ona nia hamonu matawen sente kontenti,tanbà liu hus prúblikasaun nia bele hetan apoiu husi ema individu balun,”Claudia Reis De Jesus hakotu
Jornalista : Zemidonio Martins
Editóra : Delfina Borges
