(Dili) Mudansa– Sekretáriu Exekutivu konferênsia Episkopal Timorense (CET) Pe. Cartos M. P. Roben hateten, Konfrontu ne’ebé akontese iha loron domingo madrugadu dia 2 juñu iha arredor Santuáriu Fátima iha Portugal ne’ebé kausa husi vítima mortal ida no balun kanek todan ho nune’e CET husu deskulpa ba povu portugês.
“Konferênsia Episkopal Timorense (CET) preokupa teb-tebes no lamenta ho Konfrontu sira ne’ebé mosu iha madrugada loron domingo dia 2 juñu tinan 2024 iha arredor Santuário Fátima nian iha Portugal, ne’ebé kausa vítima mortal ida no balun kanek todan, Tuir fonte kredível balun vítima mortal mane ida ho tinan 25, no Konfrontu ne’e envolve jovem Timor-oan ho idade entre tinan 25 to’o tinan 30 mak baku-malu, maski seidauk hatene motivu lolós husi insidente ne’e nian,” Dehan Sekretáriu Ezekutivu (CET) Pe. Cartos M. P. Roben ba jornalista sira iha sede CET mota klaran, Dili Quinta ne’e (06/06/24).
Sekretáriu Ezekutivu (CET) klarifika katak, Amu Bispu iha Timor nia laran susar ho violênsia ne’ebé labele iha fatin sosiedade nia leet liu-liu iha Santuáriu Fátima liu husi konferênsia ida ne’e CET husu deskulpa ba povu Portuguesa.
“Amu Bispu sira Timor nian, manifesta ami nia laran-susar no la konkorda ho kualker forma violência ne’ebé la bele halo iha fatin iha sosiedade nia leet, liu-liu iha fatin sira hanesan Santuáriu Fátima, Liu husi jestu públiku ida ne’e, ami husu deskulpa ba povu português, ba konferência Episkopal Portuguesa, em partikular ba Diocese Leiria ho nia sarani sira, ba morador no peregrinou sira Santuáriu Fátima nian ba hahalok joven sira ne’e nian ne’ebe perturba ona hakmatek no sacralidade Santuáriu Fátima nian,” Nia Afirma.
Padre Castro akresenta liu tan katak, hakarak apela ba Polísia Judisiária Leiria nian atu investiga didi’ak episódu Konfrontu sira ne’e no hein anusia rezultadu investigasaun nian atu responsável sira ne’e hetan julgamentu tuir Lei sira ne’ebé vigor.
“Ikus liu, ami apela ba joven sira ne’e atu konverte-aan no halakon ondas no espiral violênsia nian, atu joven sira hotu moris tuir sira nia fiar sarani, respeita no hadomi malu no halibur hamutuk esforsu tomak atu halo buat di’ak iha rai ne’ebé de’it sira hela ba,” Nia hakotu
Jornalista: Gaudeçia Belo/ Estagiada Teresa da Silva & Petronela Nono
Editora : Delfina Borges
