(Dilí) Mudansa – Consellu imprensa (CI sigla portugéz) ho Austrália ABC.ID nafatin hala’o kooperasaun hodi fó formasaun bá Jornálista sira hotu iha área “story telling” no labele ko’alia de’it, maibé tenki dehan bu’at ruma bazeia ba faktus.
Manajer program ABC. ID, Fiona Churctiman hateten, formasaun story telling kona-bá oinsá atu halo identifikasaun bá parte interesada sira hodi hetan impaktu bá istória ne’e.
“Formasaun story telling ne’e kona-bá oinsá buka ideía, hetan istória no buka fontes ne’ebé mak ita bele ko’ália no mós identifika bá parte interesada sira atu bele halo intrevista ho ema sira ne’ebé mak hetan impaktu hosi istória ne’ebé mak ita bo’ot seí halo, liu-liu istória ne’ebé mak ita hakerek kona-bá plataforma diferente bá iha Televizaun, Rádiu, Jornál, online nomós bá sosiál média, bá da-huluk ita tenki hanoin kona-bá asuntu ne’ebé mak iha Timor-Leste, oinsá hanesan Jornálista ita bo’ot sira bele hato’o fila-fali istória ne’e ho di’ak liu tan,” dehan Manager Programa ABC.ID Fiona, hafoin fó formasaun bá formadus, iha salaun Palma Buisinis, Hudi-Laran, kuarta-Feira (26/06/24).
Manager Fiona akresenta, hahú husu pergunta bá nia aan ho saída mak notísia no tanbá saída maka ne’e importante, nomós haree liu bá detallu informasaun oinsá bele kobre istória ne’e bá média diferente ka plataforma diferente nomós fokus bá oinsá bele halo intrevista ho fontes di’ak liu.
Iha fatin hanesan, Prezidenti Konsellu imprensa (CI-ABC.ID kontinua fo Formasaun ba jornalista nain 15CI sigla portugéz) Otelio Ote, mós hatutan, formasaun ne’e hala’o ona durante tinan ida resin ho ABC.ID hodi fó formasaun, orgullu no aprésia tebes bá parte relevante nia aproximasaun ne’ebé durante servisu iha ne’e.
“Konsellu imprensa dezde tinan ida (1) fulan Ualu (8) halo kolaborasaun ho ABC.ID hodi fó formasaun ne’e,senti orgullu tebes no aprésia bá ABC.ID nia aproximasaun ho KI dezde sira servisu iha ne’e ho ema ne’ebé lá’os foun bá Timor, maibé, tinan ida liu fulan ualu ne’e, se karik ita kompara ho Labarik ki’ikoan ida entaun to’o oras ne’e nia hatene ko’alia mós ona,” Otelio Ote afirma
Nia akrésenta, konsellu imprensa nia relasaun ho ABC.ID Austrália nian, liu hosi formasaun hodi fasílita ona iha Balibó no Oe-Cusse kona-bà Jornálizmu investigativu iha tinan kotuk.
“Ita nia relasaun ho ABC.ID Austrália nian liu hosi formasaun hirak ne’ebé nia fasílita tiha ona ba ita, hahú kedas iha Balibó kona-bá Jornalizmu investigativu nomós iha Oe-Cusse, tinan kotuk parese fulan Agostu, liu hosi formasaun ida ne’e KI senti katak importante lós ba Jornálista sira,tanbá ita hatene Timor ne’e laiha Institutu Jornálista ida ne’ebé favóritu atu ita bo’ot sira bele hetan Edukasaun ne’ebé mak di’ak iha Institutu sira ne’e, karik ita bo’ot sira halo tiha ona kobertura dala-ruma balun to’o tinan sanulu (10) no balu foin mak hahú halo teknika kobertura oi-oin iha tereñu, ida ne’e ita koñese mós tékniku kobertura konvensionál mak hanesan observa, intrevista no peskiza, téknika tolu ne’e mak ita bo’ot sira uza ona iha kampu,”Nia relata
Nia informa, kona-bá diferensa story talking no story telling katak, la’ós ko’alia de’it, maibé, tenki dehan bu’at ruma hanesan dadus no fontes nia naran ka tinan.
“Ohin ita atu bolu informasaun ida kona-bà story telling no nia kontrariu mak story talking ne’e signifíka katak hakerek notísia ne’e not just talking but you have to tell something, tanbá ne’e wainhira ko’alia temi dadus no fontes nia naran ou tinan ida ne’e maka saí hanesan faktus ida mak ita atu hakerek kona-ba story telling, story talking mak hanesan ita ko’alia de’it, maibé, laiha faktus, ho nune’e mak atu fahe informasaun klean ba ita hotu atu bele halo mudansa bà ita nia istória ne’ebé ita hakerek,” Nia Hakotu.
Jornalista : Ana Ribeiro
Editóra : Delfina Borges
