(Díli) Mudansa- Sekretáriu Estadu Profisional no Empregu (SEFOPE) Rogério Araújo Mendonça hateten, nu’udar Sekretáriu Estadu Profissional Empregu seida’uk hasai desizaun ruma ba Diretór Nasionál Empregu, Diresaun Nasionál Esterior katak traballadór re-entry sira labele hetan oportunidade servisu iha Australia.
Governante ne’e salienta, traballadór re-entry sira sai hanesan ezemplu ba traballadór foun sira ne’ebé mak atu ba servisu iha australia no korea.
“Traballadór re-entry ne’ebé ba servisu iha Australia labele ba ona nu’udar Sekretáriu Estadu Profissional Empregu (SEFOPE) seidauk hasai dezisaun ruma ba Diretór Nasionál Empregu, Diresaun Nasionál Esterior hodi hato’o ba iha públiku katak ita nia joven sira ne’ebé fila husi Australia labele hetan oportunidade ba servisu tan iha Australia, ita nia joven sira re-entry iha kapasidade di’ak, abilidade di’ak, atitude no komportamentu di’ak ne’e mak kompañia sira bolu fila fali sira ba servisu.” Dehan Sekretáriu Estadu Profisional no Empregu (SEFOPE) Rogério Araújo Mendoça ba jornalista sira iha Salaun SEFOPE Kaikoli Díli, Segunda-Feira,(04/03/24).
Nia esplika, traballadór re-entry iha Australia hamutuk trez mil itál traballadór iha korea hamutuk mil itál no traballadór agora hamutuk katorze mil i vinte, tanbá traballadór re-entry ne’e atitude komportamentu di’ak mak kompañia bolu fali sira ba servisu.
“Númeru ne’e ha’u bele dehan ki’ik, traballadór foun ho númeru ne’ebé mak bo’ot, tanbá ne’e trabillador re-entry ami foti hanesan ezemplu ba traballadór foun sira ne’ebé mak atu aranka ba servisu iha rai liur bele banati tuir re-entry sira nia prestasaun servisu iha kompañia di’ak bolu fila fali.”Tenik Nia
Enkuantu, traballadór foun ba servisu hatudu komportamentu la di’ak servisu fulan 6-9 to’o tinan 1 kompañia la bolu, tanbá ne’e SEFOPE sempre motiva traballadór foun sira.
Jornalista : Delfina Borges
Editór: Veraka
