(Dili) Mudansa– Prezidenti Komisaun Reguladora Arte Marsiais (KRAM) Octavio Da Conceição infórma katak membru husi Persaudara Setia Hati Terate (PSHT), Ikatan Kera Sakti, Putra Timor-Leste (IKS-PTL) no Kmanek Oan Rai Klaran (KORK) kontinia treinu sub-subar utiliza atributu arte marsiais iha fatin públiku ne’ebé dadaun ne’e governu bandu.
“Ami hakarak fó sai infórmasaun ba públiku hotu liu-liu ba lideransa no treinadór sira Arte Marsiais nian liu-liu organizasaun Persaudaraan Setia hati terate (PSHT) Timor-Leate Ikatan Kera Sakti, Putra Timor-Leste (IKS- PTL) no Kmanek Oan Rai Klaran (KORK) ne’ebé sira nia membru kontinua utiliza atributu Arte Marsiais iha fatin públiku no komete iregularidade hodi la kumpri rejulusaun N• 45/2023 Konaba suspensaun aktividade treinamentu sira,” Dehan Prezidenti KRAM Octavio Da Conceição ba jornalista iha salaun enkontru KRAM Dili, 5/03/2024
Prezidenti KRAM hatutan katak, Komisaun Organizadora Arte Marsiais detekta no simu infórmasaun hotu husi sub-estrutura sub-KRAM munisípiu sira katak organizasaun (PSHT) nia membru sira kontinua halo aktividade treinamentu sub-subar kontinua hatais farda lao ba lao mai iha bairu laran sira kontinua halo publikasaun iha média sosiál sira no provokasaun entre arte marsiais ho arte rituál sira.
“Membru IKS-PTL treinadór sira Komisaun Reguladora Arte Marsiais simu infórmasaun katak sei iha nafatin treinadór sira ne’ebé treinu sub-subar husi fatin ida ba fatin ida até konvida malu tana iha ótel laran hodi hanorin malu iha ótel laran Komisaun Organizadora Arte Marsiais detekta infórmasaun sira ne’e,” Nia Infórma
KRAM mós husu ho repeita ba lideransa estrutura nasionál (PSHT) (IKS-PTL) ho (KORK) atu respeita orden estadu nia liu husi rezolusaun Nú 45/2023, atu obedese mós ba regulamentu hotu- hotu liu-liu Lei Nú 5/ 2017 artigo 32 ko’alia kona-ba kolaborasaun husi lideransa no treinadór sira husu mós atu sira bele kumpri rezolusaun sira, la kumpri nafatin mak tuir Lei Nú 5/2017 artigu 9 hateten katak KRAM iha kompetensia atu hato’o ba Ministéiru Juventude Desporu Arte Kultura (MJDAC) hodi aprezenta ba Konsellu Ministru (KM) hodi foti desizaun tuir mai.
“Rezolusaun Nú 45/2023 ne’e remata iha 10 de Abril 2024 maibé bainhira membru no treinadór no lideransa sira la kontrola sira nia membru sira ne’ebé sei kontinua komete aktividade ilisita sira mak komisaun reguladora Arte Marsiais sei rekomenda katak falta de kolaborasaun falta disipliña dez orden estadu nia,”Prezidenti KRAM hateten
Prezidenti KRAM hateten tan katak, Iha tempu badak KRAM sei notifika lideransa arte marsiais tolu hanesan (PSHT) (IKS-PTL) no (KORK) atu kontrola sira nia aktividade no membru sira nia atitude atu nune’e bele fó biban ba Komisaun Organizadora Arte Marsiais hodi aprezenta rekomendasaun sira ne’e ba (MJDAC) hodi aprezenta ba (KM) iha dia 10 Abril ne’ebé sei mai.
“Ha’u hanoin lideransa treinadór arte marsiais iha teritoriu Timor laran tomak ne’ebé KRAM rejista rantin husi arte marsiais tolu hanesan PSHT, IKS-PTL no KORK hamutuk 993 rantin no sub-rantin sira ne’ebé destina ba pratika arte marsiais sira ne’e hatene iha momentu ami ba peskaliza iha desizaun foun ami sei asegura nafatin hodi halo desiminasaun ba Lei Nú 5/2017 diretiva ne’ebé (KRAM) hasai atu hotu-hotu bele kumpri,” Hakotu Prezidenti KRAM Octavio Da Conceição
Jornalsita : Gaudencia Belo
Editór : Veraka
