Díli Mudansa- Sentru Nasional Operasaun Protesaun Sivil no Autoridade Protesaun Sivil iha loron rua nulu resin-hitu (27) Fevereiru to loron (4) fulan Marsu, durante Semana ida nia laran, iha parte Timor-leste akontesementu iha tipu dezastre ne’ebé rejistu uma kain hamutuk sanulu resin sia (19) ne’ebé mak hetan estragus husi dezastre naturais.
Durante semana ida ne’e Sentru Nasional Operasaun Protesaun sivil no Autoridade Protesaun Sivil (CNOPC no APC sigla português), halo rejistu ba uma kain sira iha Territoriu Timor laran tomak ne’ebé mak hetan estragus husi dezasrte ho tipu oi-oin hamutuk uma kain sanulu resin sia (19).
“Munisípiu sira ne’ebé hetan estragus mak hanesan, Aileu Akontese ahi han uma kain 1, Ataúro bee sae estraga uma kain 1, Baukau anin sobu uma kain 1, Bobonaro akontese anin sobu uma kain 1, Covalima anin sobu uma kain 1, Díli rai halai estrgus uma kain 4 no bee tama estraga uma kain 3, Ermera akontese anin sobu uma kain 4, Raeoa akontese anin sobu uma kain 1 no Viqueque akontese ahi han uma kain 3, husi dadus sira ne’e mak semana 1 ne’e nia laran akontese liu mak anin bo’ot sobu uma kain 8, hanesan bee sae ka tama uma kain 4 rai halai estrgus uma kain 4 no ahi han uma kain 3, no total uma kain 19 mak hetan estragus husi dezastre Naturais.” Dehan Xefi Seksaun Komunikasaun-Apc Portavoz João De Sousa Felipe liu husi konferensia imprensa ba jornalista sira iha APC Kaikoli Díli 04/03/24.
Porta-Voz ne’e hatutan, Komandu Autoridade Protesaun Sivil (APC sigla português) hamutuk ho parseiru relevante fornese apoiu emerjensia ba família afetadu hanesan ahi han uma, APC sei halo mós levantamentu verfikasaun ba Munisípiu hanesan uma sira ne’ebé hetan estragus bele identifika iha kategori 3, aat total aat natona aat kaman.
“Autoridade Protesaun Sivil nafatin servisu hamutuk ho metodologia Timor-leste simu informasaun liu-liu liga ba udan anin, oinsá ita bele fó sai ba públiku sira.” Tenik Nia.
Entertantu,hare’e mós ba kazu bee tama no anin sobu komunidade sira bele ses husi hela fatin, situsaun normal maka bele fila fali ba fatin, maibé balun ne’ebé uma grave sira ba hela ho nia família hare’e ba kategoria akontese no estragus.
“Kona-ba apoiu emerjensia ita nia stock APC deskarega koloka hotu iha munisípiu, ne’ebé ba oin responde imidiatamente no direita, APC la’os servisu mesak de’it, maibé servisu parseiru sira ne’ebé mak destakadu iha munisípiu inklui mós Autoridade Munisípal ne’ebé mak APC iha ba no iha komandu rasik la’os atu foti desizaun, maibé halo koordenasaun imidiatamente ba iha Autoridade Munisípiu sira atu hare’e dadus no mós responde ba vítima ne’ebé hetan dezastre,”Nia informa
Nia akresenta, dadus ne’ebé makas liu maka husi parte Norte, liu-liu besik tasi sira hanesan; Lautem, Ainaro, Covalima no Manufahi, ida ne’e mak afetadu liu inklui mós Díli, tanbá Frekuensia ne’ebé bo’ot liu mak inundasaun tinan-tinan sempre akontese no rai halai.
Jornalista : Estajiada Marcelina Sarmento & Libania da Silva
Editora : Sandi Belo
