(Aileu) Mudansa – Edukasaun mak sai hanesan hanesan xave ba dezenvolvimentu Nasaun maibe eskola balu iha Timor laran la iha kaderneta eskolar tanba Profesores deside utiliza surat tahan mutin sai hanesan kaderneta.
Problema ne’e akontese iha Eskola Basiku Central(EBC) Dom Baumeta ne’ebe lokaliza iha suku Liurai posto administrativu Aileu municipiu Aileu
Dretora Eskola Basika Central (EBC) Dom BauMeta suku Liurai, Zelia Amaral da Cruz informa, daudaun nee problema ba kaderneta eskolar hodi fasilita estudante sira hahu iha tinan 2022 too ohin loron la iha.
Iha fulan Novembru tinan 2022, sira simu kakaderneta eskolar husi Ministeriu Edukasaun hamutuk 58 ne’ebe tenke fahe fali ba eskola filial 4, maibe kaderneta refere la to’o nafatin.
“Iha nee ami uza deit folha de papel atu nune’e fo ba manorin na’in sira prense estudante husi 1° anu to 7° ano sira nia valor tan daudaun ne’e kaderneta seidauk iha,” Dehan Diretora EBC Zelia ba jornalista iha eskola suku liurai Aileu Vila foin lalais.
Diretóra Zelia haktuir,nu’udar responsavel ba eskola ida konfirma ona ho Diretor Edukasaun Munisipal maibe to’o agora nia rasik seidauk simu kaderneta.
“Hau koko husu diretor Edukasau maibe to’o agora ha’u seidauk simu kaderneta husi diretor edukasaun,tan ne’e nafatin buka meius halo rasik kaderneta liu husi husi manual sira ne’e,”katak nia
Nia akresenta.
Maske la hetan autorizasaun husi parte relevante kona ba kria rasik kaderneta maibe nia buka meius tamba iha eskola ne’e nia hakarak fim do periodo estudante no inan-aman sira tenke hatene sira ninia valor ezame.
Enkuantu kaderneta ne’ebe produz hosi Suratahan (Hvs) hahu hosi klasse 1° ano, to’o 7° ano hamutuk 336, alende ne’e mos produz rasik kaderneta ba EBF 4 mak hanesan, EBC filial Maurusa, EBF Oholau, EBF Manubata, EBF Hatulau no eskola EBF Manubata mos hasoru difikulidade ne’ebe prezisa resolve.
Hatan ba kestaun ne’e Ministra Edukasaun Dulcia de Jesus soares deklara, iha tempu badak nia laran bele resolve tamba daudaun ne’e kaderneta eskolar iha hela faze impresaun nian laran.
“Tempu besin sei fahe kaderneta ba eskola sira, maske la hotu-hotu maibe iha eskola balun simu ona kaderneta tamba oras ne’e Ministeriu Eduksaun halo hela impresaun ba kaderneta bele konfirma iha sentru imprensaun ,”Dehan ME
Entretantu iha EBC Dom Baumeta suku Liurai fahe ba filial 4 mak hanesan ,EBF Maurusa EBF Oholau ,EBF Manubata total estudante hamutuk 1025 no total professor 37
Jornalista : Domingas Viana
Editór : Orlando Magno
