(DILI) Mudansa – Prezidente Komisaun Nasional Eleisaun (CNE sigla portugés) José Agostinho da Costa Belo informa, hanoin buat balu ka demonstrativu Eletoral liuliu kona-ba boletín votu, parte ofisiál no mós brigada sira hare ba servisu ne’ebé ladún másimu presiza hadi’a.
“Brigada sira ne’ebé servisu Polin Staf sira fó boletín votu ba ema ne’ebé seidauk to’o tinan 17 balu laiha kartaun Eleitoral vota de’it hanesan iha Aileu, labarik ida akompaña hela nia avoo ba vota maibé nia eleitorál laiha depois sira (Polin staf) fó boletín votu ida ne’e perigu,” dehan Presidente CNE ba Jornalista Iha CNE Dili, Domingu 21/05/2023.
Sidadaun ne’ebé viola regras durante prosesu Eleisaun Parlamentar iha Sentru Votasaun sira iha territóriu nasionál sei hetan hetan sansaun ruma husi nia asaun rasik.
“Ita rejistu hotu sei partisipa/aprezenta ba Ministeriu Publiku kona-ba prátika sira ne’e no mós, ida fali boletín votu dala ruma fatin balu la to’o, tanba sente loke hela nia naran sira ne’e mós suku ida naran iha hotu kedas hodi ema vota la haree ona ba fatin ne’ebé uluk sira vota ba.” Prezidente CNE José Belo afirma.
Iha fatin hanesan Diretor Nasional Edukasaun Silvika Politiku Dokumentasaun No Media IT CNE Carlos Alves Lopes informa, kompeténsia ho atribuisaun legál CNE halo supervizaun ba prosesu distribuisaun materiál sensitivu iha dia 20 Maiu no iha operasaun sentru votasaun dia 21 maiu ba Eleisaun Parlamentar tinan 2023.
iha Teritoriu Nasional ho diaspora, CNE halo supervizaun ba prosesu operasaun no votasaun iha Estasaun votu hamutuk 1,850 no sentru votasaun hamutuk 1.472 ne’e inklui sentru votasaun 12 iha diaspora, Jeralmente tuir supervizaun CNE nian atividade refere la’o ho di’ak.
“Husi supervizaun ne’ebé CNE iha ba atividade supervizaun ba prosesu distribuisaun no operasaun iha estasaun votu no sentru votasaun sira CNE rejistu sidadaun balu viola regras durante prosesu Eleisaun Parlamentar iha Sentru Votasaun,” Diretor Carlos deklara.
Nia akresenta, iha Prekupasaun balu aprezenta husi Partidu Politikus nia ema sira husi entidade estadu nian husi nivel lokál tanba iha Postu Administrativu balu asesu liña eletrisidade, maibé la lakan kauza husi udan no anin.
CNE mós simu reklamasaun balu katak Sentru Votasaun sira balu iha Munisipiu Dili materiál propaganda Eleitoral taka besik sentru votasaun seidauk hasai, no mós preokupasaun ne’ebé hato’o husi Eleitor sira iha munisípiu hotu inklui RAEOA hodi koloka situasaun kona-ba kualidade tinta indelevel ne’ebé utiliza ba Elelsaun Parlamentar 2023.
Nia Klarifika katak tinta refere nia kualidade di’ak, no hetan aseitasaun hosi reprezentante partidu polltiku sira kestaun tinta ne’e tékniku iha métodu utilizasaun nian hosi Ofisial Eleitoral sira iha sentru votasaun no estasaun votu no iha Muniipiu Bobonaru akontese aktu fiskais sira atu tenta vota dala rua, no kazu refere Autoridade Polisia mak halo ona intervensaun direta,
“Iha mós akontesimentu eleitór fakar tinta indelevel ba ofisiál Eleitoral hafoin vota hotu, iha sentru votasaun balu autoriza ema ho idade 16 tuir vota no ofisiál Eleitoral autoriza Eleitor utiliza fotokopi kartaun eleitór vota, balu mós konsege hasai foto ba nia votu hafoin vota maibé ofisiál sira halo kedas intervensaun no haruka hamoos kedas imajen,” nia akresenta.
Nia realsa, iha Munisipiu Aileu, Sentru Votasaun balu akontese ema ho idade 16 tuir vota maski la iha kartaun eleitór, maibé iha momentu ne’e CNE, STAE inklui PNTL rezolve kedas situasaun ne’e
iha mós eleitór sira balu iha fatin sentru votasaun ne’ebé lokaliza iha Dili laran halo tentativa lori materiál kímiku balun hanesan BAYCLIN ba Sentru votasaun atu vota no Autorideda Polisia halo kedas intervensaun.
iha Munisipiu Lautem militante partidu balun utiliza uniforme partidu nian hodi tama ba vota iha Sentru votasaun no CNE halo kedas intervensaun, maibé iha fatin sentru votasaun balu Prezidente Sentru Votasaun autoriza eleitór ne’ebé uza atributu tama ba vota utiliza telemovel hodi hasai fotografia.
“Prezidente Sentru Votasaun halo kedas intervensaun no iha Munisipiu Bobonaro Postu Administrativu Bobonaro identifika iha eleitór balu mai hosi Postu Administrativu no Suku seluk, utiliza kamizola ka faru fiskais husi partidu balu nian Brigada autoriza vota mezmu laiha naran iha lista votantes no akontesimentu ne’e hetan protestu hosi fiskais partidu seluk nian.”Nia subliña.
Jornalista : Delfina Borges
Editór : Orlando Magno
