(Dili) Mudansa – Koordenador Ekipa Susesu Partidu Libertasaun Popular (PLP) Antonio Freitas hateten, Koordenador ne’e akresenta, divulga informasaun ba militantes no povu tomak katak Prezidente PLP Taur Matan-Ruak atual nu’udar Primeiru Ministru VIII Governu Konstituisiinal dezloka ofisialmente ba Indonesia, Marka Istoria dahuluk iha Timor-Leste tanba partisipa iha SIMERIU ASIA.
“Prezidente PLP nu’udar Primeiru Ministru partisipa Simenriu ASIA iha Indonesia Provinsi Nusa Tengara Timor (NTT) ida ne’e marka Istoria dahuluk iha Timor-Leste, ita-nia ulun boot Timor Lesta iha SIMERIU ASIA nu’udar Orgaun Estrutura Nivel altu entre Xefi Estadu no Governu iha País membru ASEAN.” Dehan Koordenador Ekipa Susesu PLP Antonio ba jornalista liu husi pres Konferensia iha Sede PLP Vila-Verde Dili, Tersa (09/05/23).
Tanba ne’e PLP liu husi kampaña no mini kampaña iha Teritoriu tomak, kampaña Prezidente PLP Taur Matan Ruak sei komesa fali kampaña iha dia 13 to’o dia 18 enseramentu iha Munisípiu Ermera Gleno.
“Ajenda ida ne’e entre PLP ho Komisaun Nasional Eleitoral (CNE sigla portugés) determina antes ona, molok Prezidente Partidu hanesan mós Primeiru Ministru dezloka ba rai li’ur hodi partisipa Simeriu ASEAN.” Nia Sublina.
Koordenadór ne’e hateten husu ba estrutura PLP iha Timor laran Tomak kontinua hakmatek pás no estabilidade akompaña iha tempu kampaña, maski hetan problema maibé la afeta ba ezisténsia PLP.
“Partidu Libertasaun Popular mantein respeita kontinua hatudu ita nia maturidade polítika iha kampaña, estrutura baze sira labele hasai liafuan ne’ebé insulta ataka pesoál ka Lideransa País ida ne’e no lideransa partidu nian, ita kontinua mantein respeitamente ida ne’e to’o kampaña remata iha dia 18 fulan ne’e.” Koordenador Antonio hakotu.
Jornalista : Delfina Borges
Editór : Orlando Magno
