(Dili) Mudansa – Dom Virgilio Kardeal do Carmo da Silva SDB hato’o Paraben ba Timor oan hotu ohin hakat ba iha sentru votasaun ezerse direitu nu’udar Timor oan atu hili Nai uluk sira ba iha Parlamentu reprezenta povu no Nasaun.
Ohin loron festa liberdade ida-idak hakat ba ezerse direitu Nasaun Demokratiku katak povu mak sei hakotu (determina) kampaña hotu ona ohin festa demokrasia nian povu hakat ba hili hein ida ne’ebé povu hili mak ukun.
“Parabenss ba Timor oan hotu ohin hakat ba iha sentru votasaun ezerse direitu, sira ne’ebé ukun iha tinan 5 mai, ita hein iha momentu ida ne’e ita hotu entrega ba komisaun Nasional Eleisaun hodi hein rezultadu ne’ebé determina xave ba vitória,” Dehan Dom Virgilio Kardeal do Carmo da Silva SDB ba Jornalista iha Sede suku Lecidere Dili Domingo, 21/05/2023.
Nia akresenta, ida ne’ebé seidauk hetan oportunidade hein tinan 5 mai, ida ne’e mak Demokrasia durante tinan 20 ona tinan 5 ida manán tinan 5 mai ida seluk fali ne’e mak Demokrasia.
“Hau hanoin istória la’o ba oin ida ne’ebé la hetan posibilidade atu kaer ukun tinan ida ne’e, povu fó tan oportunidade atu mellora sira nia programa iha kampaña ne’ebé sei hetan oportunidade tinan 5 tuir mai atu bele ukun, ita-nia povu.” Kardeal Esplika.
Nia hatudu tiha ona tinan hirak la’o ne’e polítiku sira hatudu duni sira nia maturidade iha kampaña maski naksalak uitoan.
“Parabens ba ita-nia polítiku sira hotu durante kampaña ida ne’e, ita mós haka’as an sai knaar ida nafatin kontrola militantes no simpatizantes sira hotu, festa ida ne’e sei hatudu ba mundu maski Nasaun foun maibé hatudu ba Nasaun sira seluk oinsá modelu moris Demokrasia ,” Nia salienta.
Enkoraja ba joven militantes no simpatizantes polítiku sira kontinua la’o ba oin di’ak liu tan liu husi valores Demokratiku liu husi Istoria.
“Parabenss mós ba sarani hotu selebra festa sansaun, maski votasaun saran sira ezerse sira nia funsaun hanesan sarani husi dadeer to’o loraik ne’e persepsaun boot uza sira nia liberdade hala’o nu’udar sarani kumpre iha festa seksaun nian parabéns ba sarani hotu.” Kardeal hakotu.
Jornalista : Delfina Borges
Editór : Orlando Magno
