(Dili) Mudansa – Partidu Dezenvolvimentu Nasional (PDN), abertura diálogu iha sede nasionál PDN halo konferénsia imprensa hodi aprezenta programa 10 ne’ebé atu halo bainhira hetan konfiansa husi povu.
Prezidente PDN Lucas Soares “Kolibere” informa, PDN nu’udar partidu polítiku ida ne’ebé promove pás no defende unidade nasionál haburas demokrasia atu dezenvolve programa partidu nia ba prosperidade ka moris di’ak povu nian iha Timor Leste no fo garante ba partisipasaun ativa povu timor leste iha prosesu dezenvolvimentu nasionál.
“Programa Prioridade ba PDN nia mak Agrikultura no Peskas, Saude, Edukasaun, Infraestrutura ba Dezenvolvimentu, Promove Kultural, promove Fatin Turistiku, reabilitasaun Infraestrutura, Eletrisidade, Estrada no ponte ba Area rurais inklui apoiu asosiasaun estabelesimentu ba joven sira,” dehan Prezidente PDN Kolibere ba jornalista sira liu husi pers konferénsia iha Sede nasionál PDN Vila-Verde Dili, kuarta 19/04/2023.
Kolibere aprezenta, Programa prioritariu hanesan agrikultura no peskas aumenta orsamentu no transforma agrikultura husi subsisténsia ba komersiál, hasa’e komersiál planta alimentares no indústria no holte kultura liu husi diversifikasaun, hasa’e produsaun animál komjestaun ba Floresta ne’ebé potensiál ba indústria no apoiu ekipamentus ba peskadór sira.
Hadi’a kualidade ba atendimentu saúde ne’ebé justu ba ema hotu liu husi área remotas efikáz lalais no responsabilidade, ba fasilidade no ekipamentu saúde inklui ai moruk ba laboratóriu nasionál saúde hodi garante koñesimentu ai-moruk no materiál saúde nian inklui redusaun ba mal nutrisaun liu husi labarik ki’ik sira iha área remotas.
Kona-ba Edukasaun sai save ba dezenvolvimentu nasionál no ba futuru nasaun ne’e nian melloramentu ba kualidade no fasilidade edukasaun iha ensinu báziku sekundáriu no universitáriu sira hanesan fasilidade biblioteka no laboratóriu, no dezenvolvimentu siénsia teknolojia ba kualidade inklui Melloramentu kualidade eskola Vokasional ho responde ba kampu servisu.
Prioridade ne’ebé diversifikasaun ekonómika naran setór turizmu istóriku, relijiozu no turizmu kulturál promove pakote vizita turístiku ba estudante sira hodi hatene fatin importante sira iha timor leste.
Infraestrutura liga ba dezenvolvimentu mak infraestrutura sai save setór sira seluk tanba ne’e PDN tau infraestrutura ba prioridade da lima ba dezenvolvimentu nasionál kontinua kompleta Estrada no ponte nasionais.
Melloramentu ba estrada no ponte iha área rurais hodi apoiu komunidade agrikultura asesu ba merkadu, asesu ospitál no eskola ka edukasaun inklui atividade seluk,”
Melloramentu infraestrutura hodi asegura asesu justu ba bee mós no eletrisidade kona-ba dezenvolvimentu rurál tanba ita hatene katak ita-nia povu joven, veteranus barak ne’ebé hela iha área rurais no areas remotas ne’ebé la iha fasilidade infraestrutura no la iha rendimentu tanba ne’e dezenvolvimentu rurál sai prioridade ba povu no nasaun.
prioridade Ba juventude sira ne’ebé sai kontinuador ba povu no ba nasaun sei estabelese fundu ida ba joven sira hodi finansia projetu no programa ne’ebé bele apoiu iha sira nia dezenvolvimentu uza sira nia kapasidade rasik.
Apoiu estabelesimentu asosiasaun ba joven sira iha sentru informasaun, sentru peskiza no sentru ne’ebé bele buka matenek hodi hodi dezenvolve nia an no nasaun Timor Leste.
Reabilita infraestrutura halo instalasaun foun inklui zenajen kada munisípiu tuir programa planu dezenvolvimentu integradu nasionál.
Kultura ita bele halo buat hotu maibé kultura mak sai sosiál ba ita hotu no estabelese sentru kulturais iha rejionál Oekusse, Kovalima, Ainaru, Manufahi, Aileu, Likisa, Ermera, Bobonaru ho fatin ne’ebé identifika hanesan fatin kultura.
Implementa lei kona-ba patrimóniu kulturál no promove atividade kulturais no atividade artístika liuliu iha área espozisoens artístika hanesan kriasaun nasionais hodi motiva partisipasaun ne’ebé boot liu husi patrimóniu kulturál.
Kontinua halo levantamentu kona-ba Bem kulturais iha pais tomak no divulga liu husi baze dadus online ida investe iha formasaun ba kuadrus no apoiu investigasaun iha areas kultura.
Setór privadu ne’ebé sai parseiru iha nasaun ida hanaran parseiru publiku privadu no kooperativa melloramentu ba investimentu ba iha empreza média sira entre privadu no estadu kria kampu servisu hodi hasae produtividade nasionál no ba ema hotu.
Ikus liu abitasaun umana harii uma ne’ebé dignu ba ema hotu la’ós ba veteranus de’it maibé ba ema hotu hotu ne’ebé tuir konsagra iha konstituisaun katak, kada sidadaun tenke iha rai no iha uma hodi hela.
“Investimentu iha uma ne’ebé adekuadu ema hotu hotu husi foho labele mai hela hotu iha sidade Dilitanba ne’e desentralizasaun ne’e sai prioridade ba ema hotu se hakarak desentralizasaun pre editoriál no podér lokál hotu hotu vota ba PDN,” nia hakotu.
Jornalista : Ekipa MediaMudansa
Editór : Orlando Magno
