(Dili) Mudansa – Komunidade husi aldeia tolu suku Lahane Oriental portu administrativu na’in feto munisípiu Dili durante ne’e sosa de’it bee mós hodi hatutan moris loroloron.
Komunidade Frasisco Soares informa, Problema ne’ebé durante ne’e sira hasoru Maks menus bee mós ba sira tanba durante ne’e sira sosa de’it bee mos hodi uza ba nesesidade loroloron.
“Ami ne’ebé hela Aldeia Temporal, Pura, no Aldeia Monumentu Calma, durante Tinan Rua Nia laran ami Sosa de’it Bee Mos Husi karreta tanke ne’ebé fa’an tanba ami susar atu asesu ba Bee mós,” dehan Francisco ba média mudansa iha nia rezidénsia Taibesi Dili, kuarta 08/03/2023.
Francisco afirma, maski komunidade Taibesi durante ne’e hetan difikuldade no hasoru problema boot Kona ba Bee mós maibé parte relevante no Governu seidauk tun direita hodi haree komunidade nia preokupasaun.
“Parte relevante sira ne’ebé mak atu mai tau matan ne’e, balun hare partidu no kores oioin mak foin bele mai halo vizitasaun no ajuda, ida ne’e mak sai konfuzaun boot ida ba ami komunidade hotu,” nia akresenta.
Nia konta, Komunidade balun hanoin Hela atu tidin Tanki iha Fatin ne’e, maibé Sira laiha KIBIT atu halo kontribuisaun se entaun hakarak ka lakohi ida-idak tenke responsabilidade hodi buka meius oinsá bele hetan bee mós.
“Ami Sosa Bee mós Iha karreta tenke ne’e Ami Sosa litru 50 ho folin $2.50 maibé bainhira Ami Osan iha entaun sosa kedas iha tanke ne’ebé ense litru 5000 ho folin $25.00,” nia deklara.
Francisco sujere, husu ba Autoridade lokál Aldeia no suku, ne’ebé sai ona komunidade Sira Nia Lia tenke hatutan no habelar komunidade Sira nia preokupasaun ba parte Governu Sira.
“Xefe suku no Xefe aldeia inklui parte governu sira presiza tau importánsia ba komunidade Taibesi, tanba oras ne’e komunidade sira halerik hela ba bee moos, husu mós ba governu no deputadu/a sira iha parlamentu tenke halo presiza halo peskiza ba komunidade hotu iha timor laran nune’e bele hatene difikuldade saida mak komunidade sira nia presiza,” nia hakotu.
Relasioan ho asuntu nee, media mudansa tenta komfirma ho autoridade lokal suku Lahane Oriental maibe liderransa suku nee la konsege fo komentariu tanba okupadu hela ho servisu importante balun.
Estajiadu : Zemidonio Martins
Editór : Orlando Magno
