(Dili) Mudansa – Prezidente Comisaun Nasional Eleisoens (CNE) José Antonio da Costa Belo informa, CNE prepara hela boletín votus no hein partidu polítika sira aprezenta mai iha CNE ho STAE tau Bandeira símbolu no Sigla partidu ida-idak nian hodi halo imprime ona boletín votus nian.
Tanba Tribunal Rekursu halo ona sorteiu númeru boletín votus ba partidu sira oinsá ida-idak atu hatene ninia númeru sorteiu.
Partidu sira aprezenta ba STAE hein nia ponteiru hodi tau ba boletín votus, depende sira nia hakarak tau halo nu’usá tau tuir partidu aprezenta ne’e, tanba partidu ida-idak tenke tuir Lei.
“Sira presiza aprezenta lalais tuir servisu nune’e bele fasilita sira halo sosializasaun ba ba sira nia militantes no simpatizantes hodi eleisaun ne’e hotu sira bele konfirma ho di’ak.” Dehan Prezidente CNE José Belo ba jornalista iha Tribunal Rekursu Kaikoli Dili, Kuarta (29/03/2023).
Hotu husi ne’e ida partidu ne’ebé aprezenta ba CNE no STAE haree tau iha tamañu lori ba aprova sei konvida partidus sira hotu partisipa atu hatene.
“Iha semana ida ne’e partidu sira tenke aprezenta ona ba CNE atu ita bele haree tanba sei ko’alia kona ba gráfiku prodús boletín votus partidus polítiku sira ohin prosesu ida importante tuir sira nia mehi númeru ida ne’ebé sira nian hakarak hotu ona,” nia relata.
Agora sira tenke kolabora ho di’ak nafatin servisu ho órgaun rua, Tribunal nia servisu nune’e aban bainrua eleisaun la’o di’ak rezultadu sira iha apuramentu depois sei hato’o ba Tribunal.
Iha fatin hanesan, Diretor Sekretariu Tekniku Administrasaun Eleitoral (STAE) Aquelino Manuel Branco mós hateten, CNE ho STAE hein hela partidus polítika sira submete mai iha STAE ho CNE hodi ajusta ba sira nia naran no sigla partidus nian ho lolos hodi haruka ba iha STAE ho CNE.
“Tribunal Rekursus halo notifikasaun hotu tiha ita kontaktu ba partidus polítiku sira aprezenta ba CNE ho STAE partidus sira lori sigla, bandeira no emblema hodi ajusta boletín votus ne’ebé ESTAE prepara ona, hodi bainhira sira ne’e ita simu hotu ona sei ajusta ba iha boletín votus aban to’o bain rua,” Manuel afirma.
Nia argumenta, segunda to’o tersa ba iha CNE aprova hamutuk ho partidus polítiku hodi lori ba iha gráfiku ne’ebé hetan konfiansa ohin iha Konsellu Ministru sei aprova rezolusional ida lori indika nafatin Impresa Nasional Timor-Leste (INTL) halo produsaun ba boletín votus ne’e rasik.
Tuir planu ne’ebé mak iha sei prodús Voletin pur volta 1 millaun ho nia durasaun barak liu kompara ho tempu sira seluk durasaun fulan ida hahú iha dia 3 ka dia 4 sei remata iha dia 12 fulan maiu no iha dia 13 sei fahe ba munisípiu no Estranjeiru sira uza ba iha eleisaun parlamentu ne’ebé monu iha dia 21 fulan maiu tinan ne’e.
“Ita sei haree tuir Lei eleisaun parlamentár no. 6/2016 altera ba no 9/2017 artigu 39 define kona-ba karakterístika elementus boletín votus ita hein partidu polítiku atu introdús modelu halo verifikasaun emblema no bandeira tanba lei artigu 39 hateten sigla bandeira emblema tenke hanesan,” Nia hakotu.
Jornalista : Delfina Borges
Editór : Orlando Magno.
