(Dili), Mudansa – Deskonfia Suspeitu ida tara an, mate iha sela detensaun, Polisia Nasional Timor-Leste (PNTL) Komandu Munisipiu Dili (KMD) Kaikoli.
Antes ne’e joven mane neebe iha sela, nu’udar suspeita ba kazu konfrontu ida ne’ebé akontese iha serimónia graduasaun ba estudante hosi Universidade Nasionál Timor-Leste 31/08/2022, horiseik iha área Audian, deskonfia iha konfrontu ne’e rezulta joven mane ida sai vítima ne’ebé agora baixa hela iha sala ICU HNGV.
Tanba ne’e, parte PNTL Dili halo detensaun ba suspeitu, ohin tuku 11:00 dadeer polísia kaptura suspeitu iha nia rezidénsia Kaikoli hodi submete ba prosesu identifikasaun tan ne’e parte polísia detein iha sela atu suspeitu kumpre durante oras 12.
Akontesimentu Suspeitu tara an ne’e, akontese iha kinta, 01/09/2022, mais ou menus oras tuku 07 kalan, deskonfia suspeitu tara an uza fiu (kabel), jaringan nia ne’ebé liga ba parte sala detensaun.
Sidadaun ne’e tara an iha sela komandu munisípiu Dili bainhira kumpre hela prosesu identifikasaun ne’ebé polísia detein iha sala detensaun durante oras 12 maibé la konsege termina oras refere, tanba suspeitu hakotu ona ils.
Hafoin suspeitu hakotu is ka tara an iha sela detensaun laran, parte PNTL munisípiu Dili komunika kedas ba parte relevante hanesan PSIK no Ministeriu públiku inklui komunika mós ba família matebian.
Bainhira família rona tiha informasaun husi parte Komandu Dili, liu minutu balu família matebian to’o kedas iha edifísiu PNTL komandu Dili hodi husu kronolojia kona-ba suspeitu nia mate iha sala detensaun maibé parte PNTL seidauk resposta tanba seidauk hatene lolos matebian nia kronolojia mate.
Liu tan minutu balu tan, Suspeitu nia maun alin husi Grupu Arte Marsiais, Persaudaraan Setia Hati Terate (PSHT) lamentavel tebes ho suspeitu nia mate, iha ne’ebé durante oras ida resin nia maun alin (saudara) sira hakilar no insulta membru polísia sira maibé Sekretariu Jeral PSHT Timor-Leste Pedro Aparicio bainhira to’o iha komandu munisípiu Dili konsege hakalma membru PSHT sira nia tensaun.
Hafoin sente, situasaun hakmatek uitoan família no Polisia deside lori matebian ba Hospital Nasional Guidu Valadares (HNGV), hodi submete ba iha autópsia, iha ne’ebé ohin tula mate isin iha karreta Forensik nian lori JB ba iha HNGV no hetan akompaña husi parte seguransa hanesan Batellaun Orden Publk (BOP).
Jornalista : Ekipa MD
Editor : Orlando Magno
