(Dilí)-Liseu -Estudante Universidade Timor-Leste (sigla-EUTL) hamutuk ho kamada sosial sira halo manifestasaun iha edifisiu Parlamento Nasional nia oin tamba la konkorda ho dezisaun sosa “Prado” ba deputadu nain 65.
Porta Voz Estudante Universidade Timor-Leste (sigla-EUTL) Jose da Costa affirm,manifestasaun kona ba hapara sosa kareta ba deputadu sira inklui ho lei pensaun vitalísia no halakon lei distâncsia 100 metrus hosi edifísiu públiku no importansia hodi hadia infra-estrutura, edukasaun, saúde no agrikultura ne’ebe mak sai hela polemika iha nasaun Timor-Leste.
“Ami-nia manifestasaun ne’e atu halakon sosa karreta, hapara lei pensaun vitalísia, hasai klauzula distânsia 100 metros dook husi edifísiu públiku no tau osan ba setor produtivu sira. Ami defende povu maubere tomak, ami matan, tilun no ibun ba povu maubere tamba ne’e ami firme hodi defende sira-nia direitu, ami sei demo to’o fulan ida”. Hateten Porta Voz EUTL Jose da Costa ba jornalista sira iha kampus sentral UNTL, 15/09/2025
Iha fatin hanesan Polícia Nacional Timor-Leste (sigla-PNTL), Chefe departementu prevensaun konflitu Joni Viana hateten prejensa Polísia atu asegura no fo segurança ba manifestante sira, tanba ne’e nia husu ba estudante universitariu sira atu labele tauk hodi partisipa iha manifestasaun ne’e.
“manifestasaun ne’e ho paz no estabilidade, ami garante sei laiha anarkismu ka krime ruma durante manifestasaun” nia hakotu
Jornalista :Rogerio anunu
Editor :Sandi Bello
