(Díli), Aitarak Laran- iha intervista komunidade Juvita do Santos deklara, komunidade Aldeia Anin Fuik Suku Aitarak Laran Postu Administrativu Dom Aleixo Munisípiu Dili hetan ona notifikasaun husi Governu liu-husi ekipa Terras propriedade iha loron 04 fulan junho tinan 2024 tinan kotuk, no tau marka número ba kada uma kain sira ne’ebe mak tempu badak sei hetan despezu administrativu husi Governu.
“ami ne’ebe mak hetan ona notifikasaun husi Governu seidauk hatene osan indemizasaun nia total ba kada uma kain tamba ne’e kompetensia husi Ministeiru Obras Publik (sigla-MOP), ami nu’udar povo nafatin kopera ba desenvolvimento nasional, liuliu ba iha ita nia nasaun” dehan Komunidade Juvita do Santos ba jornalista Media Mudansa iha Aitara-laran, foin lalais ne’e
Nia husu ba Governu antes halo despezu administrativu tenki kria kondisaun ne’ebe mak dignu ba komunidade atu nune’e sira.
“Governu halo eviksaun karik tenki kria kondisaun ne’ebé digu mai ami,tamba ami nia kondisaun moris mak nune’e ona”, nia deklara
Enkuantu iha sorin seluk Chefe Aldeia Anin Fuik 03, Suku Aitarak Laran Postu Administrativu Dom Aleixo Munisípiu Dili Franzelino Maia hatutan, totál uma kain ne’ebe hetan despezu administrativu total atus ne’en lima-nulu resin ha’at (654) maka hetan notifikasaun husi Governu.
“Dadaun ne’e ekipa konjunta foin tama iha markasaun ba komunidade sira nia uma ne’ebé sukat ona, husi direasaun ministeiru obras públika ápoio diretamente mós husi terras propriedade maibé ekipa mak lá kompletu, iha ne’e iha de’it terras no propriedade ho Obras Públik mak agora dadaun foin sukat komunidade nia uma atu besiik ona atus tolu sukat iha diresaun Ministeiru Finansas nia kotuk” hatutan Chefe Aldeia Franzelino Maia
Chefe Aldeia ne’e subliña, komunidade ne’ebe maka hela besik iha area Ministeriu Finasas nia kotuk iha aldeia anin Fuik kuaze baliza ho suku Motael total uma kain hamutuk atus ne’en lima-nulu resin ha’at (654) antes ne’e area ne’e tama iha patrimoniu estadu.
“rai ida ne’ebé komunidade sira hela ba hanesan património estadu nian, Aldeia ida ne’e maioria património estadu, maibé uma povu nian mak ida hatur rasik iha rai ida, klaru katak património estadu ezekuta direita husi diresaun terras propriedade” nia deklara
Entertantu Chefe Aldeia Anin Fuik 03 Franzelino Maia, rekomenda ba Governu atu kria kondisaun ne’ebé di’ak ba povu antes halo despezu administrativu ba komunidade sira nia hela fatin,enkuantu notisia ne’e públika journalista Média Mudansa seidauk halo konfirmasaun ho parte Governo nian.
Jornalista: Olvadis Clara da Costa/Lúcia do Carmo
Editoira: Gaudencia Belo
