(Baukau)– Bukoli -Prezidente Repúblika José Ramos-Horta foin lalais ne’e haruka ona ekipa ba halo asisténsia imediata no kompromete hodi harii uma dignu ida ba Avó Maria da Costa ho ne’ebe idade 63, mak durante ne’e dékada ida nia laran hela mesak deit iha fatuk-kuak ida iha área Badunau, Aldeia Lulihene, Suku Bucoli, Munisípiu Baucau.
Unidade Servisu Sosiedade Sivíl no Asuntu Sosiál (SSSAS) husi Prezidensiál da Repúblika, hala’o viajen ba fatin refere iha loron 23 fulan-Jullu hodi avalia no hare diretamente kondisaun moris avó Maria nian. Hahú kedas iha tinan 2015, hafoin nia laen no nia maun ne’ebé maka fornese rai ne’e ba nia mate, avó Maria moris iha kondisaun ne’ebé prekária tebes, hela iha fatuk ku’ak ida ho de’it luan metro rua (2) hodi satan Netik a’an husi udan no anin nia bo’ot ho prejensa husi ekipa Unidade Servisu Sosiedade Sivíl no Asuntu Sosiál (SSSAS) husi Prezidensiál da Repúblika hodi komprete lori asuntu ne’e ba presidente da repúblika hodi hari uma dignu ida ba avo maria iha tempu badak nia laran.
Avó Maria ko’alia iha nia lian-materna (uai-mua) esplika katak, “hau hakarak hela mesak hodi la fó todan ba família sira seluk, no hetan ajuda husi vizinhu sira ne’ebé tulun nia de’it iha tempu balun ho ai-han no sasaan nesessidade bázika” hateten avo maria ba jornalista no ekipa Unidade Servisu Sosiedade Sivíl no Asuntu Sosiál (SSSAS) .
Xefe Estadu haruka no apoiu emerjénsia ne’ebé inklui mantimentu, sasaan nesessidade bázika no ajuda osan hodi hatán ba nesesidade urjente sira. Prezidénsia deklara mós katak iha tempu badak, sei harii hela-fatin ida ho dignu ne’ebé bele fó seguransa no dignidade ba Avó Maria, hodi bele proteje nia husi problema sira ne’ebé nia hasoru durante tinan barak nia laran.
Enkuantu asaun ida ne’e hatudu kompromisu forte husi Prezidente Repúblika atu garante katak labele husik ba kotuk sidadaun ida, espesiál liu sira ne’ebé moris iha kondisaun sira ne’ebé vulneravel no idozu sira.
Entretantu tuir observasaun, hela fatin nebe’e Avó Maria hela ba la merese duni ba ema atu hela, tamba iha tempu udan no anin sempre fó risku ba nia, enkuantu avo maria helik deit iha fatuk kuak ho luan metro rua (2) ba ida ema deit no Avo Maria nia fatin toba falun deit ho musketeiro no dos a’at sira.
Ekipa kobertura
Editor :Manuel Andrade
