(Díli) Tasi Tolu-Konseleiru Média Mudansa (MD) Cipriano Oliveira hatete, Média Mudansa halo nia aniversariu ba dala tolu (3) hanesan labarik ki’ik ida, maibé Média Mudansa hakarak aprende buat barak no óinsa atu hadia di’ak liu tan servisu, kualidade ne’ebé di’ak no óinsa atu lao hanesan Média profesionál no independente ho ninia kreatividade no potensialidade ne’ebé mak iha.
“Hau nia parabéns ba ekipa (MD)no Diretór no fundador Média Mudansa nian no (MD) ohin halo aniversariu ba dala Tolu (3) signifika labarik foin tinan Tolu (3) nia la’o tiha ona, tamba ne’e ha’u nia hanoin (MD) hanesan labarik foin atu aprende no koko atu hatene buat hotu, tamba ne’e hanesan koseleiru (MD) ida no primeiru ha’u atu dehan katak la’os média ne’ebé bo’ot pelumenus nia iha oportunidade, iha fasilidade nia iha ambiénte ne’ebé di’ak, atu halo imi dezenvolve di’aklLiu tan no liu husi imi nia Servisu,programasaun saída mak imi halo”, Dehan Konseleiru (MD) Cipriano Oliveria hala’o diskursu iha tasi tolu hafoin aniversariu (MD) ba dala (3) , Sabado, 28/06/2025.
Iha fatin Hanesan Diretór Média Mudansa Manuel Andrade hatutan, aniversariu (MD) nian ba dala tolu (3) hakarak hato’o agradese ba Diretór husi Média sira no Chefe Redasaun husi Média sira no Jornalista no parseria (MD) nian ne’ebé mak marka presensa Iha fatin ida ne’e, no (MD) la’os ema ida de’it maibé ekipa sira nian ápoiu ne’ebé metin liu, hamutuk mak hari susesu ida-ne’e no husi prosesu midar to’o moruk.
“Durante existensia Média Mudansa to’o mai agora la’os de’it ha’u mesak, maibé hamutuk ho ita bo’ot sira, parseria no governu ,imi nia motivasaun no konfiansa mak halo ami sai forte liu tan, liu-liu ba ekipa extráordinario ne’ebé dedika a’an tomak no estajiáriu sira ne’ebé matenek, imi-nia enerjia, imi-nia ideia brillante, no imi-nia kompromisu mak sai inspirasaun ba ami, ba ita nia família no belun sira imi nia ápoiu mak fatuk-inan ne’ebé metin liu, ita hotu hamutuk mak hari susesu ida-ne’e, husi prosesu midar to’o moruk”, dehan Diretór Média Mudansa Manuel Andrade
Nia haktuir, nu’udar Diretór nia knaar la’os atu jere de’it maibé atu servi , no servi ho misaun no promete atu lidera ho vizaun klaru, atu kria oportunidade, no atu garante katak buat hotu ne’ebé presiza atu manán.
“Média Mudansa eziste ba tinan tolu (3) ona no iha ne’e ha’u konklui de’it katak ha’u agradese ba ita hotu ne’ebé marka presensa iha ne’e no (MD) Nia ezistensia to’o mai ohin loron la’os ha’u de’it mak kontribui, maibé liu husi ita bo’ot sira nia motivasaun no inspirasaun mak to’o ohin loron ne’e no ami la mesak ami sei la’o ho ita bo’ot sira hotu no liliu ba ekipa ne’ebé dedika a’an durante ne’e no mós sira nia enerjia ne’ebé forte no ideia ne’ebéb mak di’ak “, hakotu Diretór (MD) Manuel Andrade.
Entretantu Iha aniversariu Média Mudansa (MD) nian dala tolu (3) mós fahe sertifikadu apresiasaun ba Eis membru Média Mudansa nian hamutuk na’in sanulu (10) mak hanesan, Julião Da Silva, Delfina Borges Martins, Esperansa Monteiro Soares, Orlando Magno, Marcelino Freitas Soares, Mariano Dos Santos Abi, Remigia Do Rosáriio Locateli Ribeiro, Honorio Guterres, Ana Maria Ribeiro no Rosa Soares.
Estajiada: Maya Luanda
Editora: Gaudencia Belo
