ADTL Loke Kafetaria Ba Ema Ho Difisiensia No Fó Oportunidade Ba Joven Sira Seluk Atu Aprende Negosiu.

banner 120x600

 (Díli) kaikoli– Asosiasaun difisíensia Timor-Leste (ADTL) loke kafetaria hodi fó Servisu ba ema ho difisíensia no mos fó oportunidade ba joven sira seluk atu bele hatene konaba lalaok investimentu liuhusi  negosiu kafetaria.

Tuir na’in Kafetaria Miranda B. Ximenes deklara, kafetaria ne’e har’I husi Asosiasaun difisíensia Timor-Leste (ADTL), ho objetivu atu fó oportunidade servisu ba maluk difisiensia sira inklui mos oportunidade ba joven sira seluk atu aprende iha area negsoiu ninian.

“kafetaria ne’e hari hodi  tulun ema no difisíensia sira atu bele hetan servisu ,entaun husi parte ADTL hanoin  katak atu fó servisu ba ema ho difisíensia no joven sira seluk bele mos liuhusi negosiu ne’e ,” dehan Miranda B. ximenes ba jornalista media mudansa iha kafetaria ADTL kaikoli Díli Tersa,4/02/2025 .

Nia haktuir  tan, Kafetaria ne’e lolos iha infrastrutura koperativa nia okos, ADTL  tau ona  osan iha kooperativa no ba se deit mak iha inisiativa di’ak hakarak tulun maluk difisíensia sira seluk hodi servisu bele halo investimentu.

“Ha’u  rasik  kontenti tamba fatin ne’e mamuk hela entaun ha’u ho inisiativa di’ak kreditu husi koperativa hodi zere kafetaria ne’e fó servisu ba ema difisíensia no mós ba ema la difisíensia no joven sira ne’ebé mak eskola hotu ona, maibé la hetan servisu, entaun husi kafetaria ida ne’e mak hetan netik oituan ami bele hatama fanrajen ba ADTL ami mós bele selu ba labarik joven sira no ema difisíensia ida ne’ebé mak servisu hela, nia alegria,” Nia afirma

Difikuldade ne’ebe Miranda hasoru  wainhira kreditu osan,  nia  tenki selu ho funan,no nia laran metin ba kafetaria ne’e, dalaruma ho rendimentu ne’ebe mak nia hetan la sufisiente atu fo fila fali osan kreditu ne’ebe nia empresta maibe hakarak ka lakoi nia tenko lori osan funan ne’ebe mak nia hetan hodi taka fila fali.

“Benefisiu mak halo ha’u kontenti tamba bele fó servisu ba ema no tulun ema seluk oinsa atu hatene halo negosiu,hanorin mós oinsa atu sai moris independente, labele laran metin ba familia uma laran, maske osan ki’ik maibé sira rasik senti ona ka’er osan hodi bele tulun sira nia an, partisipa kursu  sira la’os servisu loron tomak,  maibé loron sorin ba servisu loron sorin ba Kursus,kuaze ema nain tolu la difisíesia nain ida difisíesia karik iha oportunidade ema persija sira ba servisu iha fatin seluk,” Relata Nia

Nain Ba kafetaria informa tan katak, Asosiasaun difisíesia Timor-Leste (ADTL) fasilita ema atu halo promosaun no dadaun ne’e traballador  feto nee’ebe servisu hamutuk ho nia iha kafetaria ne’e hamutuk nain 4 (ha’at), no rendimentu ne’ebe mak nia hetan kada loron depende ba visitante sira.

“Ema ne’ebé servisu iha kafetaria ne’e hamutuk nain haat(4) no vensimentu ba sira mak kada ema ida hetan dollars amerikanu $75 (hitu nulu resin-lima)” nia salienta.

Nain ba kafetaria ne’e subliña, Asosiasaun difisíesia Timor-Leste (ADTL) fó kreditu ba nia hodi sai jerente ba Kafetaria ne’e no kada fulan nia tenki selu fatin nebe nia aluga ho montante dolares amerikanu $50 (lima nulu) kada fulan ba ADTL.

“Ami koko ona fa’an kafé depois fa’an boba kuandu hare interasante di’ak ona tamba iha aréia ida estudante barak depois hahan mós la iha no hahan mós presu karun,  entaun halo oinsa  mak kreatividede ami nian tein ho presu ne’ebé baratu tebes centavos 0,50  no  $1 dolar, tamba fa’an ho  presu ne’ebé a’as estudante sira la sosa”, nia reforsa

Traballadora kafetaria senhorina Baptista Soares.

Iha fatin hanesan Traballadora kafetaria senhorina Baptista Soares hatutan tan katak, Servisu iha kafetaria ne’e nia senti kontenti no orgullu tamba bele ajuda nia hodi rekopera ekonomia familia maske ho valores osan ne’ebe sira hetan ki’ik.

“Ha’u servisu iha ne’e senti kontenti tamba bele hetan osan oituan atu bele sustenta ha’u nia familia uma laran no mós bele selu ba ha’u nia eskola no kursu sira ne’ebé mak agora ha’u tuir hela ne’e, tamba servisu ne’ebé iha ne’e laos loron tomak maibé servisu loron sorin de’it ami tama dader no loraik ha’u bele ba fali kursu” Nia konta

Traballador ne’e deklara tan katak, maske nia hasoru difikuldade oioin hanesan fahe tempu ba eskola no Kursu maibe ne’e la sai sasukat ba nia atu hamate nia vontande hodi kontinua servisu.

“Difikuldade ha’u hasoru iha iha ne’e mak kada vez eskola tama aula ful, entau ha’u ba uluk eskola depois fila husi eskola mak foin ba fali servisu, no benefisíu mai ha’u mak bele sustenta ha’u nia eskola no nesesidade loron-loron nian, vensimentu kada fulan ha’u hetan mak $75 dolar kada fulan”, hakotu  traballador

 

Ekipa Kobertura Média Mudansa

banner 325x300