(Díli) Mudansa– Primeiru Ministru Kayrala Xanana Gusmão, hateten, lori Povu Timor-Leste nia naran agradese bá Sekretáriu Jerál ONU, António Guterres no entidade oi-oin ne’ebé mak partisipa iha komemorasaun loron konsúlta popúlar bá dala-XXV.
“Lori povu Timor nia naran hakruk bá kontribuisaun hotu-hotu hosi ONU no Nasaun oi-oin, entidade kolektiva no pessoál durante prosesu luta bá ukun-rasik aan to’o konsúlta popúlar,” dehan PM Xanana Gusmão, bá Jornálista sira Palacio Nobre Lahane, kinta-feira (29/08/24)
Governante ne’e esperansa , ONU ho Nasaun Maun-Alin sira iha mundu kontinua hamriik metin iha Timor-Leste nia sorin durante prosesu dezenvólvimentu.
Iha fatin hanesan, Sekretáriu-Jerál ONU, António Guterres iha nia diskursu, sentimentu orgullu tebes ho faktu katak Timor-Leste nu’udár Nasaun ne’ebé permite atu iha operasaun dame ne’ebé susesu liu iha istória resente Nasoins Unidas nian.
“Ohin loron mundu iha timidez no iha operasaun dame nian, Timor-Leste konsege hakat liu difikúldade hotu-hotu hodi ohin loron sai membru plenu, tantu iha Nasoins Unidas no iha komúnidade Nasaun luzófona sira, fundadór G7+, membru Organizasaun Mundiál Komérsiu, futuru membru ASEAN, Nasaun kosmopolita, ho vizaun ida ne’ebé ligadu tebes ho nia istória rasik kona-bá rekonsiliasaun,ho Administrasaun kle’an maka ha’u foti ha’u nia kopu hodi brinda Povu Timor-Leste, hodi brinda bá sira-nia líder sira no hodi dezeja vitória ida iha funu bá dezenvólvimentu ne’ebé hetan ona, hanesan konsolidasaun Estadu Demokrátiku ezemplár ida ne’ebé ema hotu tenke haree ho Admirasaun ne’ebé maka’as tebes, Viva Timor-Leste!,” dehan SekJer António Guterres
Entertantu iha jartar kalan ne’e Prezidente Ramos-Horta ho PM Xanana Gusmão tara tais bá eis membru UNAMET, Eis-Xefi Misaun UNAMET, Ian Martin, Eis pontu vokál Sekretáriu-Jerál ONU, Tamrat Samuel, Prezidente Repúblika Demokrátika Árabe Sarauí, Brahim Ghali ne’ebé marka mós prezensa iha Jantar amizade ne’e,iha Jantar amizade ne’e, akompaña mós hosi Prezidente Parlamentu Nasionál (PPN) Maria Fernanda Lay, Prezidente Tribunál Rekursu, Deolindo dos Santos, membru Parlamentu Nasionál, membru Governu, Diplomata sira no konvidadu sira.
Jornàlista: Ana Ribeiro
Editóra: Delfina Borges
