(Díli) Mudansa-Prezidenti Repúblika José Ramos-Horta, informa, iha krize ekonómika bo’ot iha Súdeste Aziátiku tinan 1997-1998 no turbulénsia polítika, matebian Prezidente B.J. Habibie hatene oinsá atu hasoru dezafiu no oportunidade sira istória nian.
Prezidente Horta dehan, sa’e bá Prezidénsia Indonézia depoizde demisaun Prezidente Soeharto, B.J. Habibie hatene lori ho korajen no serenidade bo’ot, Nasaun Indonézia bá Demokrásia no rezolusaun konflitu Timor-Leste nian.
“Apoiu ho hanoin bo’ot no korajen bo’ot husi nia konsilleira diplomátika Professora Dewi Fortuna Anwar, no Ministru Koordenadór bá Asuntu Polítiku no Seguransa, Jeneral ho fitun-haat (4) Susilo Bambang Yudhoyono (SBY), Prezidente B.J. Habibie promove diálogu entre Indonézia no Portugál, ne’ebé hakotu iha Konsúlta Popúlár, iha loron 30 fulan agostu tinan 1999,” dehan PR bá jornálista sira, iha Palacio Nobre Lahane, kinta-feira (29/08/24).
Governante ne’e akresenta,tuir pedidu hosi Ministru Susilo Bambang Yudhoyono, esforsu sira halo hodi atribui knaar sentrál ida bá Nasaun membru sira ASEAN nian no Nasaun aziátiku sira seluk iha kompozisaun no lideransa hosi INTERFET Asian face,Ministru Negósiu Estranjeiru Tailándia nian, Surin Pitsuwan, koordena esforsu bá partisipasaun vizivél hosi forsa manutensaun dame hosi Nasaun sira ASEAN nian, kontinjente Forsa sira hosi Filipina, Malázia, Singapura no Tailándia tun iha Timor-Leste iha fulan setembru tinan 1999, hamutuk ho Forsa konjunta sira hosi Austrália no Nova Zelándia, ne’ebé lidera hosi Maijor-Jenerál Peter Cosgrove husi Austrália ho nia Adjuntu Maijor-Jenerál Sonkitti Jaggabattra husi Tailándia.
“Ofisiál Jenerál sira husi Filipina, Malázia, Singapura no Tailándia komanda forsa manutensaun páz ONU nian iha Timor-Leste iha períodu ne’ebé la hanesan, ami mós rejista kontribuisaun importante sira iha períodu oi-oin hosi Nasaun sira seluk Brazil, Bangladexe, Xina, Japaun, Jordánia, Pakistaun, Portugál, Nova Zelándia, Sri Lanka no sira seluk ne’ebé ha’u la temi tanbá limitasaun tempu.” PR Horta hakotu
Jornálista: Ana Ribeiro
Editóra: Delfina Borges
