(Dili) Mudansa – Sentru Nacional Chega (CNC), parseria ho United Nations Educational, Scientific and Cultural Organization (UNESCO sigla Inglesh), Ministériu Edukasaun (ME) no Institutu Nadional Timor-Leste (INFORDEPE sigla Portugés) organiza Workshop Konsultivu ho dirijente eskola sira kona-bá operasionalizasaun rede estudu profesór istória nian iha Timor-Leste.
Diretor Ezekutivu CNC Hugo Fernandes hateten,Ohin partisipante sira iha workshop loron rua jerente eskola públiku sira husi munisipiu sanulu resin tolu inklui Raeoa kada munisipiu ema nain ualu (8), to’o na’in sanulu (10) normalmente sira nia pozisaun ne’e Adjuntu Diretor eskola ho mós profesor sira ne’ebe iha esperensia kleur ona hanorin materia ida ne’e ba tuir istoria nian.
“Objetivu husi workshop ne’e oinsa hametin liu tan rede manorin materia istoria ne’ebé mak estabelese tiha ona husi projetu ne’ebé mak hetan apoiu husi United Nations Educational, Scientific and Cultural Organization (UNESCO sigla Inglesh) ho mós Ministeriu Edukasaun (ME) dame iha timor nian,ita hahú iha tinan 2021 redi ne’e harii tinan kotuk manorin sira de’it ne’eb mak tuir formasaun, maibé agora ita bolu jerenti sira para depois sira bele mós tau matan bá profesor sira ne’ebé tuir formasaun sira sei hetan loron rua ne’e primeiru modul ne’ebé maka dezemvolve ona hosi Ministeriu Edukasaun,Inglesh), Ministériu Edukasaun (ME) no Institutu Nadional Timor-Leste (INFORDEPE sigla Portugés) no Centru Nasional Chega materia saida de’it iha laran ne’e orsida iha hotu modul nia laran sira la’os manorin entaun sira prezisa de’it iha koñesimentu saida mak materia sira ne’ebé iha modul ne’e nia laran para depois sira bele halo akompaniamentu,” dehan Diretor Ezekutivu CNC Hugo Fernandes ba jornalista sira iha salaun CNC Balide Dili, (22/08/24)
Diretor Ezekutivu ne’e akresenta, hanesan nia ho diretor Jeral hateten katak,espra sira nian liu husi manorin sira bele iha formasaun ba estudante sira.
“Hanesan hau ho Diretor Jeral mós hatete katak ida ne’e esperansa ita nian liu hosi manorin sira bele iha formasaun ida ba ita nia estudante sira kona bá identidade ida ne’e depois tinan rua nulu ita ukun rasik an agora tempu ne’ebé maka importante bá manorin sira atu introdus didiak ita nia istoria ba iha ita nia jerasaun foun sira atu nune’e sira bele iha identidade rasik nu’udar timor oan liu-liu iha mundu ida agora era globalizadu la halimar ita presiza iha materia ida ne’ebé maka halo ita sai orguilu,” Nia afirma
Iha fatin hanesan Diretór Jerál Edukasaun Pre-Eskolár, Ensinu Báziku no Ensinu Rekorrente, Apolinário Serpa Rosa, mós hatutan, ohin hamutuk iha ne’e atu forma futuru sistema Edukasaun nia, atu promove kultura paz Justisa no Unidade iha Timor-Leste nia istória mak rezilensia no determinasaun viajen husi kolonializmu bá Independénsia ne’ebé signifikativu, maibé hosi kompriensaun no aprendizajen hosi istória ida-ne’e mak bele harii futuru ida-ne’ebé forte no dame liu-liu ba oan sira.
“Projetu istória no Edukasaun bâ paz, esforsu kolaborativu ida entre United Nations Educational, Scientific and Cultural Organization (UNESCO sigla Inglesh), Ministériu Edukasaun, INFORDEPE no CNC sai nu’udár testamuña ida ba ami-nia komprimisu bâ kauza ida-ne’e estabelesimentu rede estudu mestre istória nia ne’e hanesan pasu importante ida hodi asegura katak lisaun sira husi ita nia pasadu bele sai to’o efeitu ba jerasaun sira tuir mai, liu hosi rede ida ne’e ami nia objetivu mak atu fó kbiit ba ami nia profesór sira ho koñesimentu, abilidade no rekursu sira-ne’ebé presija iha hodi fornese Edukasaun istória nian iha dalan ne’ebé promove toleransia, respeita ba malu no koezistensia,”Tenik Diretór Jerál Edukasaun Pre-Eskolár, Ensinu Báziku no Ensinu Rekorrente, Apolinário Serpa Rosa
Manorin ne’e afirma,bainhira sira hahú workshop ida-ne’e nia objetivu mak atu opera rede ida-ne’e iha nível Nasionál no munisípiu, sira iha ne’e atu konsulta nu’udar líder eskola oinsá atu suporta no sustenta inisiativa ida-ne’e.
“Ita-boot sira-nia papel iha sei sai supervizor iha eskola ida-ida hodi supervisiona ita-nia mestre sira ne’ebé mak hanorin matéria istória, no avaliasaun dezempeñu bá profesór sira ne’e importante tebes, tanbá ita-boot sira mak sei sai matadalan no instrumental hodi asegura susesu husi esforsu sira-ne’ebé mak ita hotu iha,” Nia subliña
Nia enkoraja sira atu partisipa ativamente iha diskusaun ne’e, mai hamutuk haka’as an atu hala’o sistema Edukasaun ida-ne’ebé la’ós de’it hanorin istória, maibé mós hanorin valor dame no rekonsiliasaun ba oan sira iha baze kontinua hato’o istória ne’ebé lós bá oan sira.
“Formasaun ida-ne’e oinsá atu haforsa liután direjente eskola sira-ne’e para sira bele halo supervizaun ba ita-nia profesór sira ne’ebé hanorin matéria istória, matéria istória ne’e kobre de’it Ensinu Báziku terseiru síklu to’o Ensinu Sekundáriu,”
Iha sorin seluk,Kordenadora Programa UNESCO, Adelina Lourdes, hatutan, United Nations Educational, Scientific and Cultural Organization (UNESCO sigla Inglesh), parseria ho Governu Timor-Leste liu hosi Ministeriu Edukasaun, INFORDEPE, no Centru Nasional Chega, lansa ona projeitu Edukasaun Istoria no Dame iha Dezembru tinan 2021.
” Objetivu Projeitu ne’e mak atu alkansa kualidade Edukasaun Nasional bá Istoria no dame ba jerasaun foun sira nebé sai hanesan forsa/driving force ba inklusivu, dame no dezenvolvimentu sustentavel bá nasaun ne’e, durante esforsu hamutuk tinan rua nia laran UNESCO no Governu Timor-Leste, Modul Formasaun Profesor sira kona ba Istoria dezenvolve iha fulan Maiu 2024 tinan ne’e no hetan aprovasaun hosi Ministeriu Edukasau,modul sira ne’e sei utiliza ba formasaun bâ profesor sira ne’ebe mak sei halao husi fulan setembru tinan 2024 ho tarifa profesór Istoria hamutuk atus lima (500) hamutuk ho formasaun formál sira, estabelese ona rede estudu ba profesór istória sira hanesan grupu voluntáriu atu fó apoiu liután bá profesór sira atu hasa’e sira nia koñesimentu,”dehan Kordenadora Programa UNESCO, Adelina Lourdes
Nia esplika,Objetivu hosi semináriu ne’e mak atu halibur lider eskola sira no mentór sira ne’ebé mak responsavel fó apoiu no monitorizasaun ba progresu hanorin no aprende iha eskola.
” Konsulta ho profesór sira kona-bà dalan sira ne’ebé Rede Estudu Istoria bá Profesor, hamutuk ho formasaun ba profesór sira bele operasionaliza hodi asegura katak profesór sira aprende no adopta koñesimentu no abilidade pedagojika iha eskola sira, ita-boot sira-nia papél no responsabilidade importante tebes atu asegura kualidade hanorin istória iha eskola, ha’u hein katak imi sei envolve iha sesaun seminariu ne’e,obrigadu ba imi-nia partisipasaun iha semináriu ne’e no ami hein atu servisu hamutuk ho imi hotu ba istória no Edukasaun dame ne’ebé kualidade iha Timor-Leste.”Nia hakotu
Jornalista : Esperança Monteiro Soares
Editóra : Delfina Borges
