(Maubara) Mudansa – Prezidente Autóridade Munisipiu Likisa (PAM) prontu atu servisu hamutuk ho Guarda Governu liu-liu Ministeriu Agrikúltura Pekuária Peskas no Floresta (MAPPF) atu Nune’e bele garantia sai kuálidade Turistiku iha Lagoa Maubara.
Tuir Prezidente Autóridade Munisipiu Likisa (PAM) Paulino Ribeiro hateten, hanesan prinsipiu Prezidente Autóridade Lokál prontu atu servisu hamutuk ho Guarda Governu liu-liu iha Ministeriu Agrikúltura Pekuária Peskas no Floresta (MAPPF), atu garantia katak fatin ida ne’e bá oin tenki iha kontinuasaun parte hosi Nasionál no parte hosi Munisipál atu ne’e garantia sustanbílidade liu-liu bá animál sira ne’ebé mai hosi Lagoa nian.
“Ita nia manu-tasi ne’e agora menus ona ne’e, tanbá parte kontrolasaun hosi Governu Lokál no kestaun ita nia Povu no komúnidade sira ne’ebé hela besik no tenki fó atensaun bá sira, ita hanoin ba oin tenki halo servisu hamutuk ho Guarda Floresta sira, para atu kontrola masimu liu-liu bá iha kilat ne’ebé mak ita nia komúnidade sira uza hodi estraga animál, ha’u hanoin ida ne’e ha’u sei enkontru iha loron 22 agora no sei foka bá ida ne’e atu hasai proposta ida bá hodi lori bá konsellu Munisipál atu difini katak Lagoa Maubara ne’e area bá protejida,”dehan Prezidente Autóridade Munisipiu Likisa (PAM) Paulino Ribeiro bá Jornálista iha Lagoa Maubara sesta-feira,(16/08/24)
Nia hatene,husu mós bá komúnidade sira ne’ebé hela besik labele estrga ai-horis no animál sira.
“Ha’u Sei fó hatene bá Polisia sira para atu tama sai Aldeia no Suku hodi atu fó Livre bá animál sira bele moris ho hakmatek,” Tenik Nia
Nia dehan, pozisaun hanesan Prezidente Autóridade Munisipiu Likisa prontu para atu servisu hamutuk ho Guarda Estadu sira para atu nune’e bele garantia no proteje ambiente turistiku,PAM-L Sei servisu hamutuk ho Guarda Estadu sira no sei halo operasaun lor-loron ba Munisipiu Likisa hodi labele estrga ai-horis no animál fuik sira.
“Munisipiu Likisa menus tebes atu haki’ak animál no tuir padraun sira ne’ebé mak hosi Agrikúltura sira ida ne’e mak ita tenki halo operasaun makas no liu-liu bá iha Polisia OPS sira mak hatene no semak ka’er kilat no fizika ne’e dala ruma Polisia sira hatene,iha loron 27 fulan Novembru Prezidente Autóridade Munisipiu Likisa sei halo tara-bandu ida iha Munisipiu Likisa tomak,”Nia hakotu.
Jornálista : Zemidonio Martins/ sandi Belo
Editóra: Delfina Borges
