(Maubara) Mudansa – Sekretariu Estadu Floresta (SEF) Demarkasaun area protejida monta estaka no kuda ai-oan bá area terestre iha lagoa Maubara.
Turi Sekretariu Estadu Floresta (SEF) Fernandino Vieira da Costa hateten,Seminariu lansamentu Monta estaka no Kuda ai-parapa iha area protejida Lagoa Maubara konserva no preserva rekursu hodi asegura Jestaun sustanvél area protejida bá futuru.
“Loron ida ohin loron ida importante bá ita,tanbá ita mai hala’o demarkasaun area protejida no Ita monta estaka iha lagoa Maubara ne’ebé inklui mós area terestre Floresta nian ne’ebé mak hanesan ita monta estaka hodi proteje area ida ne’e sai hanesan area protejida,tuir Derkretu Lei nú°.5/2016 kona-bá sistema area protejida nomós Dekretu Lei nú°.6/2020 Kona-bá rejime Jurídiku protesaun konservasaun ho biodiversidade,tanbá ne’e mak ami mai Ministru agrikúltura Pekuária, Peskas no Floresta hamutuk ho Presizidente Autóridade Munisipiu Likisa ho Diretór Jerais ekipa tomak mai halo demarkasaun iha area refere,”dehan SEF Fernandino Vieira da Costa bá Jornálista iha Lagoa Maubara,sesta-feira(16/08/24)
Nia hateten, Area ida ne’e hahu ohin bá oin nia ofisiálmente Ida ne’e propriedade bá area Estadu nian hanesan proteje no konserva bá tempu naruk.
“Lagua Area protejida nia hamutuk hektares rihun atus-haat rua-nulu resin lima (1,425) hanesan ita hatene katak area lagua Maubara ne’e ita iha balada fuik ne’ebé moris iha ne’e, maibé tanbá ho kondisoins ne’ebé mak minimu no Ita nia komúnidade balun sei mai estraga no sei mai hanesan halo atividade iha ne’e, tanbá ne’e mak ohin loron liu hosi Ministeriu Agrikultura Pekuaria Peskas no Floresta ita mai halo demarkasaun ona katak hahu ohin bá oin ne’e area ida ne’e sai ona hanesan protejida,”nia salienta
Nia hateten, ema hotu tenki respeitu area ida ne’e no bainhira ema tama sai husu korpu guarda Floresta ne’ebé estaka iha ne’e,tenki iha kontrolasaun ne’ebé di’ak no aumensmu tempu mós husi Sekretariu Estadu Floresta (SEF), Ministeriu Agrikultur pekuaria peskas Floresta (MAPPF) servisu hamutuk nafatin ho autóridade, Xefi Suku no Postu-Administrativu hodi tau matan nafatin bá area protejida ne’ebé mak ohin tidin estaka.
“Ha’u hanoin katak bazeia ba politika IX-Governu konstituisaun nian liu-liu bá area kosteira sira no area sira ne’e mak ai-Mangrof no ai-parapa ita nafatin kuda no rehabilita no tenki kuida atu bele konserva fali area sira ne’e hodi atrai ita nia turistiku sira hodi dezenvôlve hodi sai hanesan objeitu ida turistiku bá aban bainrua nian,ita iha area lubuk ida mak iha konsteria ne’ebé mak ponténsia bá area turizmu,maibé durante ne’e ita seidauk dezenvólve diak tanbá ne’e mak liu husi Ministeriu Agrikultura Pekuaria Peskas no Floresta ita tau nafatin preoridade no oinsá para atu dezenvólve area sira ne’ebé mak kosteria mak poténsia ba objetu turizmu no liu-iha lagua Maubara no Fatin Sira seluk tan,”Tenik Governante ne’e
Nia dekalara sanementu ida ne’e simbolikamente purvolta hanesan ai ne’ebe mak kuda atus-ida resin (100) ne’ebé mak kuda, no kuda ida ohin ne’e la’os para iha ne’e de’it maibé sei kontinua kuda iha tempu oin mai.
Etretantu partesipasaun maximu husi Polisia Nasional Timor-Leste (PNTL) Munisipiu Likisa Prezidente Autóridade Munisipiu Likisa (PAM) Komúnidade Postu Maubara no Eskola Sekundaria Filial Maubara, Eskola Basica Central 3 Maubara (EBC 3)no Ensinu Basiku Filial Maubara.
Jornálista : Zemidonio Martins
Editôra : Delfina Borges
