(Dili) Mudansa – Autoridade Protesaun Sivil (APC) ho parseiru internasionais sira halo dialogu nasional kona ba mekanizmu Finansiamentu asaun antisipatoriu bá redusaun risku dezastre iha Timor- Leste.
“Ohin loron ne’e husi Autoridade Protesaun Sivil (APC), Nasional Food and Agriculture Organization of the United Nation (FAO), organiza dialogu ida hodi bolu hotu ajente Internasional sira ho liñas Ministerais mai hamotuk atu hare oinsa atu halo preparasaun ba mekanizmu Finansiamentu asaun antisipatoriu bá redusaun risku dezastre iha Timor- Leste,”Dehan Prezidente Autoridade Protesaun Sivil Jesuino dos Reis matus Carvalho ba Jornalista iha hotel Novu Turizmu kinta-Feria (15/08/24)
Governante ne’e akresenta, iha orsamentu bele tau hamotuk hanoin oinsa prepara orsamentu antisipadamente karik aban-bain rua mosu dezasete ruma.
“Ralidade ita hare akontese iha loron 4 fulan Abril tinan 2021 mosu inundasaun ne’ebé afeita buat barak,tanbá ne’e mak afeita bá agrikultura, Infrestutura, komunidade, sira nia hela fatin iha buat barak ne’ebé ita hasoru,ohin ita halibur hamutuk oinsa buka dalan ida bele rekomenda bá Governu nomós fó hanesan mata dalan bá parseria Internasional sira atu bele apoiu mai ita bele servisu hamotuk hodi bele hare ba oin ne’e lao oinsa,” Governante ne’e esplika
Nia subliña,Politika ida mak hanesan ohin sita Prezidente APC munisipiu Liquiça nian hatete, tenki fó informasaun lolos ho informasaun ne’ebé eletroniku, livru metodologiku sira,tenki fó sai bá komunidade hodi antisipadamente sira bele hatene netik mota atu tun, udan atu mai bo’ot hare fatin sira ne’ebé mak risku sira hatene ona sira bele hases an hosi fatin risku sira.
“Ita tenki hanorin ita nia povu sira kuda ai oan, ita bá hela iha rai loron oinsa atu bele satan bee nia forsa no oinsa atu satan bee ne’e labele halo rai halai, buat ida ne’e iha Edukasaun formasaun bá ita nia Autoridade sira para oinsa atu bele ba eduka ita nia populasaun sira no depois oinsa atu ita nia populasaun sira bele hatene buat sira hanesan dezetilizasaun ba elektronik hodi antisipadamente sira bele hatene netik mota atu tun, udan atu mai bo’ot hare fatin sira ne’ebé mak risku sira hatene ona sira bele hases an hosi fatin risku sira,” Nia afirma
Governante ne’e dehan,Ohin kona bá mensajen alerta sedu ita halibur iha ne’e hodi buka dalan oinsa tau sistema sira para bele alerta sedu sira bele komprende agora entrega ba sira ohin bele mosu iha ne’e saida mak sira hanoin husi preparasaun antisipatoriu orsamaentu, mekanismu atu utiliza sistema saida para populasaun ne’e mós labele hetan risku dezastre,tanbá ne’e maka programa ida ne’e entrega bá iha tekniku sira atu hare.
“Iha ne’e Nasional Food and Agriculture Organization of the United Nation (FAO), mak organiza ho ami nia tekniku sira husi Autoridade Protesaun Sivi (FAO), liu-liu sira ne’ebé mak iha relasaun ho apoiu umanitaria ba iha dezatre sira ne’e,Autoridadeprotesaun Sivil (APC), Nasional mak organiza ho Diretores Nasionalis sira depois partisipante ne’e ami konvida husi APC Munisipiu sira, maibé ohin marka prezensa iha ne’e nain rua deit Autoridade Munisipiu Liquiça (AML) ho Autoridade Munisipiu Covalima (AMC), ho reprezentante Raeoa ho Baucau nian,tenik Nia
Iha sorin seluk Prezidente Autoridade Munisipiu Liquiça (AML) Paulino Ribeiro mos hatutan, nia simu konvite ida ne’e hare tema ida ne’ebé itersante tebes bá nia ligasaun ba ezistnsia ho Munisipiu Liquiça nian,iha Municipiu Liquiça iha postu Adminitrativu ha’at (4), iha suku rua nulu resin tolu (23), aldeia atus ida tolu nulu resin ha’at (134).
Nia hatete,agora Suku sira ne’ebé mak hola parte area kosteria ne’e hahú husi Tibar tama to’o Loes suku sanulu (10), mak iha parte kosteria, hare katak Liquiça koñesidu ho mota barak, konta husi Tibar tama to’o Loes.
“Ami mota hamutuk sanulu resin ualu (18), signifika katak dezastre, agora diresaun lobuk ida ne’e hodi atu bele halo prevensaun ba dezastre,tanbá ami populasaun maioria mak hela iha foho leten hahú hosi Maubaralisa,Buboleu, Batubou,Fatu-Kesi to’o mai Tibar, uma sira iha Batubor ne’e kontribui mós bà Liquiça kuandu iha tempu udan kuandu ita la halo prevensaun sei hamosu inundasaun bo’ot ba Liquiça nomós amesa ba sidade Liquiça,” dehan APML Paulino Ribeiro
Nia esplika,hare hosi tibar tama to’o Loes ne’e mota sanulu resinualu (18), se mota sanulu resinualu (18), ne’ la halo prevensaun hodi hamenus bee entaun signifika populasaun sira ne’ebé mak hela iha parte Kosteria husi tasi ibun ne’e sente dezastre bo’ot bá populasaun.
“Suku Tibar parte tasi ibun nian Suku Ulmera, suku Mota Ulun, Lauhata, Maumeta, Dato, Batubou, Babqumia, no to’o bá Batu Bou, ne’e parte tasi ibun, kuandu ita ligasaun ba buat lubuk ida ne’e ita liga bá dezastre entaun Liquiça ninin dezastre ne’e bo’ot kuandu udan bo’ot oras rua to’o oras 3 bá leten Liquiça hotu kedas,tanbá bee mai husi sira ne’ebé iha foho leten ne’e uma sira iha foho leten ne’e kontribui udan been mai hosi uma tatis nian,” Nia esplika
Iha fatin hanesan,Diretora Food and Agriculture Organization of the United Nation (FAO) Paula Da Cruz,hateten, iha kontestu worShop ohin loron nian hare liu kona bá antisipasaun bá iha dezastre,tanbá klima ne’e globalmente la’os iha Timor de’it mais mundu tomak.
“Mundu tomak sofre mudansa ne’ebé bá bei-beik hanesan bai-bain udan bo’ot ho bai-loron nia tempu ne’e ita hatene, maibé ikus ne’e tempu udan ho tempu bai-loron ita kuaje la hatene lolos akontese iha sa fulan hahú iha fulan saida no remata iha fulan saida, dala barak udan been laiha ka menus liu tia dala ruma fali mós udan been makas liu entaun hamosu dezastre iha tipu oin-oin hanesan balu ita dehan bai-loron naruk, balu inundasaun makas, bee sae, rai halai, buat barak ita nia WorShop ohin loron ne’e ita atu hare hamotuk kona ba ida ne’e,” Dehan Diretora Food and Agriculture Organization of the United Nation (FAO) Paula Da Cruz
Diretora ne’e salienta,oinsa bele prepara diak liu tan hare no refleta fila fali situasaun aktual rekursu Umanu Instituisaun mekanismu finanseira sira hare fila fali atu bele iha mekanismu ida diak liu para responde iha situasaun dezastre sira ne’e.
“Hanesan koalia katak bai-bain ita koalia akontese tiha ona mak foin ita hatan halo asaun ruma hodi responde bá vitima sira mais iha loron ne’e ita hakarak hare oin seluk,se ita hatene ona katak dezastre ne’e sei akontese dala barak hanesan udan been ka be atu sae husi informasaun klimatolijia sira ne’e ita bele hatene ona udan been ne’e sei menus liu no sei barak liu, iha ne’e ita bele halo prevensaun se ita hatene tempu ida ne’e udan been sei menus nia sei akontese iha fulan ida ne’e to’o fulan ida ne’ebá entaun sei hetan impaktu bá ema, animal no ai-horis,ita hare ona mekanismu saida mak ita bele halo se mak sei hetan impaktu sira ne’e bá ema nia vida, uma, ai-horis, animal, ita komesa halo planu hodi servisu hamotuk ho ema sira ne’ebé potensialmente sei hetan impaktu husi dezastre prevista akontese ne’e hodi foti asaun sira ne’e.”Nia hakotu
Jornalista : Esperança Monteiro Soares
Editóra : Delfina Borges
